Sfera.az bildirir ki, bunu tanınmış həkim, anestezioloq-reanimatoloq Şahin Məmmədov deyib. 

Mütəxəssis qeyd edib ki, bu ştamm əvvəlki variantlardan daha sürətli yayılması ilə seçilir:

"Amma xoşbəxtlikdən bu mutasiya da əvvəlki mutasiyalar kimi yalnız yoluxma sürətində fərq yarada bilib. Bu variant xəstəxanaya qəbul və ölüm faizini artırmır.  Simptomlarında isə,  yüngül soyuqdəymə - başağrısı, burun axması, qızdırma daha çox görünür, nəinki öskürək".

Ş.Məmmədov həmçinin vurğulayıb ki, vaksinlər "Delta" variantına qarşı yüksək effektivdir:

"İki dəfə vaksin vurulmuş insanlar bu variantdan da qorunacaq".