Sfera.az bildirir ki, Antalya "Altın Portakal" film festivalında "ən yaxşı qadın aktrisa” mükafatının sahibi olan Nihal Yalçınla aktyor arasında anlaşmazlıq yaşanıb. Belə ki, Yalçın səhnədə danışarkən Tamer Karadağlı saatına baxaraq, fərqli mimikalar göstərib və sıxıldığını bəlli edib. Bir müddət sonra isə, səbrsizlik nümayiş etdirərək mükafatı aktrisaya uzadıb. Ardınca Yalçın "Kim verdi mükafatı? Mənə "sus” deyirsiniz?”, - deyərək əsəbiləşdiyini hiss etdirib.

 

Yaşanan hadisədən sonra sosial mediada gündəm olan Tamer ciddi tənqidlərə məruz qalıb. Bununla bağlı "2. Sayfa” verilişinə açıqlama verən aktyor heç bir tərbiyəsizlik etmədiyini vurğulayıb. "Nihal dönüb mənə "susmu deyirsən?” dedi. Mən də "xeyr, mükafatınızı alın onunla danışın” dedim. Çünki qalibiyyət danışıqları mükafatlarla edilir adətən. Olanları ciddiyə almadım, buna baxmayaraq, məni tənqid etməyə, Nihalı qorumağa başladılar. Orada danışıq uzandığı üçün sıxıla bilərəm, amma öz həmkarlarımın məni alçaltması xoşuma gəlmədi”, - deyə Karadağlı qeyd edib.

O, həmçinin "qadınlar susdurulur” fikirlərinə də münasibət bildirib: "Festivala getdiyimə peşman oldum. Hansı qadına düşmənlik etmişəm? Qadın dümşənliyi nə deməkdir? Mənim  "Savaşçı” serialındakı rolummu onu narahat edib?”.