\"Taliban\"dan ABŞ-ı əsəbiləşdirəcək addım: Yeni hökumətin inauqurasiya mərasimi sentyabrın 11-də keçiriləcək
10:48 / 09.09.2021
727
"Taliban"ın son addımı ABŞ-da səs-küy yaradıb.
Sfera.az bildirir ki, buna səbəb Əfqanıstanın yeni hökumətinin inauqurasiya mərasiminin sentyabrın 11-nə müəyyən edilməsidir. Bu tarix 2001-ci ildə ABŞ-da baş tutan sentyabr terror aktlarının 20-ci il dönümünə təsadüf edir.
"Taliban"ın rəsmi nümayəndəsi Zabihullah Mücahid ötən gün yeni müvəqqəti hökumətin qurulduğunu elan edib və Molla Məhəmməd Həsən Ahundun baş nazir olacağını açıqlayıb.
Məlumata görə, inauqurasiya mərasiminə Rusiya, Çin, Qətər, Türkiyə, Pakistan və İrandan nümayəndələr də dəvət edilib.
Xatırladaq ki, 11 sentyabr 2001-ci ildə Əl-Qaidə terror təşkilatı tərəfindən ABŞ-ın Nyu-York və Vaşinqton şəhərlərində silsilə terror aktları həyata keçirilib. Tarixdə "11 sentyabr hadisələri” olaraq yer alan olaydan sonra ABŞ rəhbərliyi Əfqanıstan və İraqın işğalı ilə nəticələnəcək prosesi başladıb.
Günay Rəsulqızı
Sfera.az