Əfqanıstanda "Taliban" təşkilatı bu gün səhər ABŞ hərbi qüvvələrinə məxsus "B-52" bombardmançı təyyarəsini vurduğunu açıqlayıb.

 

Sfera.az xəbər verir ki,"B-52" bombardmançı təyyarəsi Hilmənd vilayətinin Vaşir bölgəsində "Şurab" hərbi hava limanının 10 kilometrliyində vurulub.  

 

Xəbərdə bildirilib ki, bombardmançı təyyarə tamamilə yanıb və bütün ekipajı ölüb. "Boinq B-52 Srtatofortress" 1955-ci ildən ABŞ HHQ-nin arsenalında var.

 

Bu "Boeing" şirkətinin ikinci nəsil amerikan çoxməqsədli ağır ən uzaq məsafəli qitələrarası strateji bombardmançı raketdaşıyan təyyarəsidir.

 

Təyyarə səsdən asta sürətdə 15 km hündürlükdə müxtəlif silah növləri, o cümlədən nüvə daşımağa qadirdir. "B-52"nin əsas hazırlanma məqsədi yüksək gücə malik iki termonüvə bombasını SSRİ-nin istənilən nöqtəsinə çatdırmaq olub.