Şuşadakı modul tipli xəstəxanada bu tibbi xidmətlər göstəriləcək

Şuşadakı modul tipli xəstəxanada bu tibbi xidmətlər göstəriləcək
İcbari Tibbi Sığorta üzrə Dövlət Agentliyinin İdarə Heyəti sədrinin müavini Nigar Bayramova Şuşada yeni quraşdırılan modul tipli xəstəxananın şəraiti ilə tanış olub.

Bu barədə Sfera.az-a Dövlət Agentliyindən məlumat verilib.

N.Bayramova bildirib ki, ölkə başçısının tapşırığına əsasən istifadəyə verilən Şuşa modul tipli xəstəxana ölkəmizdə səhiyyə infrastrukturunun təkmilləşdirilməsi istiqamətində atılan növbəti addımdır: "Xəstəxananın quraşdırılması tibbi xidmətləri əhali üçün əlçatan edir. Vətəndaşlar burada icbari tibbi sığortanın Xidmətlər Zərfi çərçivəsində tibbi xidmətlərdən ödənişsiz şəkildə yararlana biləcəklər”.

Nərimanov Tibb Mərkəzinin rəhbəri, Şuşa modul tipli xəstəxanaya təhkim edilən Fazil Alməmmədov İdarə Heyəti sədrinin müavininə xəstəxanada görülən tədbirlər barədə məlumat verib.

O bildirib ki, Şuşa modul tipli xəstəxanada yaradılan şərait, müasir tibbi avadanlıqlarla təchizat vətəndaşların müayinə və müalicəsinə xidmət edəcək: "Xəstəxana mərkəzləşdirilmiş oksigen generator sistemi ilə təchiz olunub. Əməliyyat və intensiv terapiya otaqlarında, eyni zamanda bütün palatalarda oksigen xətti mövcuddur. Xəstəxanada təcili tibbi yardım, poliklinika, laboratoriya, funksional diaqnostika, anesteziologiya-reanimasiya və stasionar xidmətlər göstəriləcək”.

Xəstəxananın təchizatı barədə məlumat verən F.Alməmmədovun sözlərinə görə, funksional diaqnostika otağı portativ rentgenoqrafiya aparatı ilə təmin olunub. Tibb müəssisəsinin laboratoriyasında ümumi və biokimyəvi analizlərin aparılması mümkündür. Xəstəxanada travmatoloq, ümumi cərrah, kardioloq, revmatoloq, anestezioloq-reanimatoloq, funksional diaqnostika həkimi, orta və kiçik tibb işçiləri, eləcə də qeyri-tibb işçiləri çalışırlar. Hazırda xəstəxanada 9 çarpayı yeri mövcuddur.

Daha sonra xəstəxanada yaradılmış şəraitlə tanışlıq olub.
Sehliyali
Turan Bank

OXŞAR XƏBƏRLƏR

Azərbaycanda son sutkada koronavirusa yoluxanların sayı AÇIQLANDI

Azərbaycanda koronavirus (COVID-19) infeksiyasına 1 406 yeni yoluxma faktı qeydə alınıb, 1 787 nəfər müalicə olunaraq sağalıb. Nazirlər Kabineti yanında O...

“Gündə 2 litrdən çox su içmək düzgün deyil” – Məşhur dietoloqdan tövsiyə

Rusiyanın tanınmış dietoloqlarından olan Yuliya Çexonina əmək qabiliyyətli bir insanın gündə 2 litr su içməli olduğu fikrinin elmi təsdiqini tapmadığını bildiri...

Məşhur klinika ÜST-ü məhkəməyə verdi

Rusiyada oftalmoloji klinika sahibi Ümumdünya Səhiyyə Təşkilatını məhkəməyə verib.   Sfera.az bildirir ki, buna səbəb COVID-19-un yeni variantının adı ol...

Fulya Öztürk xəstəxanaya yerləşdirildi

FOX tv-də yayımlanan "Fulya ilə umudun olsun” verilişinin aparıcısı Fulya Öztürk dekabrın 3-ündə efirə verilən bölümdə yer almayıb. Sfera.az xəbər verir k...

Siqareti tərgitmək üçün 3 super metod - Süddə isladıb...

Siqaret ağciyər və digər orqan xərçənginin əsas səbəblərindən biridir. İnsan siqareti tərgitdikdən sonra 10 il ərzində ağciyərləri bərpa olur. Bəziləri iradə...

Əməkdar artistin halı pisləşdi, efirə çıxa bilmədi

Əməkdar artist Cabir Abdullayevin səhhəti pisləşib. Sfera.az xəbər verir ki, ARB TV-yə gələn zaman xanəndə özünü pis hiss edib və verilişə çıxa bilməyib. ...