Suriyada ən çox silah sınağı keçirən ölkənin adı bəlli oldu - 320-dən çox texnika...
13:15 / 15.07.2021
712
Rusiya ordusu Suriyada 320-dən çox silah növünü sınaqdan keçirdiyini açıqlayıb.
Sfera.az xəbər verir ki, mövzu ilə əlaqədar açıqlama verən Rusiya Müdafiə naziri Sergey Şoyqu bunun dünya orduları arasında ən yüksək rəqəm olduğunu bildirib.
Sergey Şoyqu bu məsələ ilə bağlı Rostov-na Donu şəhərində yerləşən "Rostvertol” helikopter fabrikində etdiyi çıxışında Suriyadakı əməliyyatlarda istifadə edilən silahlarla əlaqədar açıqlama verərkən danışıb.
Fabrik tərəfindən istehsal olunan helikopterlərdən birinin Suriyadakı əməliyyatlar çərçivəsində daha da inkişaf etdirildiyini qeyd edən S. Şoyqu, hərbi texniki vasitələrin təhlükəsizliyini təmin etmək üçün uzunmənzilli hava hücumundan müdafiə sistemlərinə ehtiyac olduğunu və Rusiyanın bunlara sahib olduğunu qeyd edib.
Suriyadakı əməliyyatlar sayəsində bu cür silahlara sahib olduqlarını vurğulayan nazir əməliyyatlar zamanı helikopterlər də daxil olmaqla, 320-dən çox müxtəlif növ silahı sınaqdan keçirdiklərini vurğulayıb.
O, Rus ordusunda müasir silah və texnika payının 70% olduğunu diqqətə çatdırıb.
Əzizə Zeynal
Sfera.az