Sumqayıtda yaşayış binasında yanğın olub
16:36 / 17.07.2021
1222
Fövqəladə Hallar Nazirliyinin (FHN) "112" qaynar telefon xəttinə Sumqayıt şəhərində 18-ci mikrorayon ərazisində yerləşən beşmərtəbəli yaşayış binasında yanğın olması barədə məlumat daxil olub.
İlkin məlumata əsasən, yanğın nəticəsində ümumi sahəsi 80 kvadrat metr olan 4 otaqlı mənzilin 1 otağının yanar konstruksiyaları 25 kvadrat metr sahədə yanıb. Mənzilin qalan hissəsi və digər mənzillər yanğından mühafizə olunub. Yanğın zamanı tüstülənmiş mənzillərdən 10 nəfər (onlardan ikisi azyaşlı, biri yataq xəstəsidir) təhlükəsiz əraziyə təxliyyə olunub.