“Sübut varsa, məsələyə baxmaq olar” - Daha bir millət vəkili himn mövzusundan danışdı
"İndiki vəziyyətdə himnimizin müəllifinin kimliyinin gündəmə gətirməyin heç bir adı yoxdur”.
Sfera.az-a açıqlamasında bu sözləri Milli Məclisin deputatı Araz Əlizadənin Azərbaycan Dövlət Himninin sözlərinin Əhməd Cavadın deyil,Şamo Cəbrayılbəylinin olması barədə fikrinə münasibət bildirərkən deputat həmkarı Fazil Mustafa deyib:
"Bu məsələnin üzərinə getmək fikrimcə doğru deyil. Himnimizin müəlliflik hüququnun kimə məxsus olması sübut olunmalıdır. Bu da uzun bir prosedurdur. Həqiqətən də kimə məxsus olduğu sübut olunarsa, onda məsələyə baxmaq olar. Amma, indiki vəziyyətdə həmin məsələni gündəmə gətirməyin heç adı da yoxdur. Himnimizin müəllifi qismində Əhməd Cavadın adı hallanırsa, fərqi nədir, onsuz da müasir dövrdə elədir ki, himn qalıcıdırsa, onu yaşatmaq lazımdır. Yoxsa, müəllifin adını dəyişib dəyişməməyin, indiki vəziyyətdə bir fərqi yoxdur. Sübut olunarsa, xüsusi bir halda dəqiqləşərsə ki, müəllif Şamo Cəbrayılbəylidir, ona baxmaq olar. Sübut olunması üçün də yəqin ki, müəllif hüququ ilə bağlı prosedur keçirilməlidir”.
Elçin