Ölkə ərazisində SOCAR brendli yanacaqdoldurma məntəqəsi şəbəkəsini idarə edən, "SOCAR”-ın törəmə şirkəti olan "SOCAR Petroleum” Qapalı Səhmdar Cəmiyyəti dövlət başçısının 19 mart 2020-ci il tarixli"Azərbaycan Respublikasında əhalinin sağlamlığının qorunması və koronavirus infeksiyasına qarşı mübarizənin gücləndirilməsi ilə bağlı tədbirlər haqqında" Fərmanına əsasən yaradılmış Koronavirusla Mübarizəyə Dəstək Fonduna 250 min manat məbləğində ianə ayrılmasına dair qərar qəbul edib.

Bu barədə  QSC-dən bildirilib.

Qeyd edək ki, "SOCAR PETROLEUM” QSC-nin 31 yanacaqdoldurma məntəqələrindən ibarətşəbəkəsi, 11 neft terminal bazası fəaliyyət göstərir. Respublikada yeganə CNG terminalı vəCNG şəbəkəsi vardır, ekoloji CNG yanacağının tətbiqində liderdir.