"Azərkimya” istehsalat, elmi-istehsalat və kommersiya birliklərini, zavodları, elmi və layihə təşkilatlarını özündə birləşdirən nəhəng kompleksdir. On il öncə belə bir elmi-istehsalat və iqtisadi kompleksin SOCAR-ın tabeliyinə verilməsi əhəmiyyətli keyfiyyət dəyişikliklərinin təməlini qoydu. Son bir neçə ildə birlikdə həyata keçirilən modernizasiya və yenidənqurma işləri kimya və neft-kimya kompleksinin dayanıqlığını və rəqabətqabiliyyətini artırıb və bu, ölkəyə valyuta axınını təmin edir”.

Ekspert diqqətə çatdırıb ki, dünyada qoruyucu vasitələrə tələbatın artması onların çatışmazlığına gətirib çıxarıb: "Ənənəvi olaraq bu cür vasitələrin ixracını həyata keçirənlər indi ilk növbədə daxili tələbatı ödəməyə çalışırlar və daxili ehtiyatları artırırlar. Qlobal pandemiya ilə əlaqədar bazarlarda spirtə tələbat kəskin artıb və analoji yanaşma bu xammala münasibətdə ortaya qoyulur. Bu yaxınlarda tibbi maskalarda aparıcı xammal olan HB 2662 FS markalı polimerin də istehsalına başlandı. Bütün bunlar koronavirus pandemiyası ilə mübarizədə ölkəmizin gücünə güc qatan amillərdir və bu SOCAR-sız mümkün olmazdı”.

Xatırladaq ki, dezinfeksiya sahəsində mütləq izopropil spirti tam olaraq etil spirtini əvəz edir və bu sahədə "universal təmizləyicilər”də istifadə edilir, həmçinin 70%-li tibbi kağız dəsmallara (salfetlər) hopdurularaq mikroblardan qorunma vasitəsi və s. kimi istifadə olunur.