No Image

"SOCAR-da işçi ixtisarına başlanılmalıdır" - AMEA üzvü

Dünyanı əhatəsinə alan koronavirus pandemiyası qlobal iqtisadiyyata mənfi təsir göstərməkdə davam etdirir. İlk olaraq dünya birjalarında neft qiymətlərinin kəskin ucuzlaşmasına səbəb olan pandemiya bir çox neft şirkətlərini çətin vəziyyətdə qoydu. Gəlirləri azalan enerji nəhəngləri artıq xərclərini optimallaşdırmağa başlayıb. Məsələn, ABŞ-ın "Chevron" neft şirkəti  optimallaşdırma çərçivəsində işçilərinin 10-15%-ni, BP şirkəti isə ümumi işçilərinin 15%-ni işdən çıxaracağını açıqlayıb. Eləcə də, ABŞ-ın digər neft şirkəti "Halliburton" təkcə Hyuston şəhərindəki mənzil-qərargahında min nəfər əməkdaşını ixtisar edib.

Bəs Azərbaycanın neft şirkəti SOCAR-da vəziyyət necədir? Şirkətin hər hansı işçi ixtisarlarına getməsinə ehtiyac varmı?

Məsələ ilə bağlı Sfera.az saytına açıqlama verən AMEA-nın İqtisadiyyat İnstitutunun direktor müavini, iqtisad üzrə fəlsəfə doktoru Allahyar Muradov bildirib ki, dünya birjalarında neft qiymətlərinin ucuzlaşması neft ixrac edən ölkələrin ümumi gəlirlərinin azalmasına səbəb olub: "Neftin ucuzlaşması Azərbaycanın da valyuta daxilolmalarını azaldıb. Hazırda dövlət büdcəsində neftin bir barelinin qiyməti 55 dollar nəzərdə tutulub, lakin neft qiymətləri 44-45 dollar arasında dəyişir. Buna görə də, dövlət büdcəsində neftin bir barelinin qiymətinin 35 dollar götürülməsi üçün büdcə layihəsi təqdim edilib”. 

AMEA üzvü qeyd edib ki, neft qiymətlərinin azalması birbaşa olaraq yerli neft şirkəti kimi SOCAR-ın da gəlirlərini azaldıb: "Şirkətin gəlirlərinin azalması xərclərin optimallaşdırılmasını zəruri edir. İstənilən halda, həm neft, həm də qeyri-neft şirkətlərində gəlirlər azaldıqda və ya gəlir-xərc arasında böyük fərq yarandıqda xərclərin optimallaşdırılmasına ehtiyac yaranır. SOCAR-da da müəyyən xərclər azaldılmalı, eləcə də, şirkət işçilərinin ixtisarına başlanılmalıdır. Bu, təbii haldır. Kadrları optimallaşdırmaq azalan xərcləri kompensasiya etməyin əsas yollardan biridir”.

A. Muradov əlavə edib ki, şirkət həmçinin hər hansı yeni texnologiya tətbiq etməlidir ki, gəlir və xərc arasındakı fərqi aradan qaldıra bilsin: "Bu yanaşmalar bütün sahələr, şirkətlər üçün keçərlidir və istisadiyyatın bir qanunudur”.

OXŞAR XƏBƏRLƏR

Azərbaycanda son sutkada koronavirusa yoluxanların sayı açıqlandı

  Azərbaycanda koronavirus (COVID-19) infeksiyasına 146 yeni yoluxma faktı qeydə alınıb, 173 nəfər müalicə olunaraq sağalıb və evə bur...

Azərbaycanda koronavirusa qarşı peyvənd kimlərə vurulacaq? - AÇIQLAMA

  Azərbaycanda koronavirusa qarşı peyvəndin kimlərə vurulacağı ilə bağlı strategiya hazırlanır. Sfera.az-ın məlumatına görə, bunu Tibbi Ərazi Bölmələrini...

Prezidentin vətəndaşlarla səmimi görüşü: "İlham baba" - VİDEO

  Xəbər verdiyimiz kimi, Prezident İlham Əliyev və birinci xanım Mehriban Əliyeva sentyabrın 23-də Bakının Balaxanı qəsəbəsində aparılan abadlıq işləri ...

Azərbaycanda qızıl və gümüş ucuzlaşır

  Azərbaycanda qızıl və gümüş ucuzlaşıb. Sfera.az-ın məlumatına görə, sentyabrın 23-də qızılın qiyməti sentyabrın 22-i ilə müqayisədə 48,3225 manat (1,48...

Hazırda Azərbaycanda koronavirusla bağlı vəziyyət necədir? - RƏSMİ

  Hazırda Azərbaycanda koronavirusla bağlı vəziyyət stabildir. Sfera.az  xəbər verir ki, bunu Tibbi Ərazi Bölmələrini İdarəetmə Birliyinin (TƏB...

“Xərcləyəcəyimiz vəsitin iki qatını götürəcəyik” – Ekspert gözlənilən müharibənin xərcləri haqda

Xüsusilə son günlər Ermənistanla müharibənin başlayacağı haqda fikirlərə həm mediada, həm də sosial şəbəkələrdə tez-tez rast gəlirik. Maraqlıdır, Azərbay...