"Xamenei öldükdən sonra İranda sistem çökəcək" - Politoloq

“SEPAH İran prezidentinin həm daxili, həm də xarici siyasətini sabotaj edir”.

Bunu Sfera.az-a açıqlamasında politoloq Məhəmməd Əsədullazadə deyib. O qeyd edib ki, demək olar, İranın azərbaycanlı prezidenti öz vəzifə öhdəliklərini yerinə yetirə bilmir:

“Bir neçə ay bundan əvvəl Məsud Pezeşkian ona işləməyə imkan verilmədiyini qeyd etmişdi. Məhz azərbaycanlı olduğu üçün onun Azərbaycan prezidenti ilə dialoquna və görüşünə imkan verilmir. Seyyid Əli Hüseyni Xamenei isə əslən azərbaycanlı olsa da, o, milli mənsubiyyətini fars-sasani milli ideologiyasına dəyişib. İran Yaxın Şərqdə Fatimiyyun, Zeynəbiyyun, Qüds Briqadası yaradaraq terror siyasətini davam etdirib. Xameneinin siyasətindən İranın öz xalqı, Suriya, Livan, İraq və Yəmən xalqları da əziyyət çəkib. İranın dini lideri Azərbaycanda da eyni ssenarini tətbiq etməyə çalışsa da, Tehranın anti-Azərbaycan siyasəti fiaskoya uğrayıb”.

Ekspert vurğulayıb ki, İran İnqilabının banisi Ruhulla Xumeyniden sonra Əli Hüseyni Xamenei nüfuzlu və ikinci şəxsdir:

“İranda hakim dini rejim məhz iki nəfərin üzərində qurulub. Fikrimcə, Xamenei öldükdən sonra İranda siyasi vəziyyət dəyişəcək və mövcud sistemin çökməsi qaçılmaz olacaq. SEPAH daxilində kəskin fikir ayrılıqları və hakimiyyət uğrunda daxili savaş isə İranın parçalanmasına yol aça bilər”.

Türkan

Sfera.az