Milli Məclisin deputatı, Ana Vətən Partiyasının sədr müavini Günay Ağamalı Antiterror əməliyyatı zamanı qəhrəmancasına şəhadətə ucalan Biləsuvar rayon Xırmandalı kənd sakini Ziyadov Cəsarət Zaur oğlunun ildönümündə ailəsini ziyarət edib. 

Sfera.az xəbər verir ki, Günay Ağamalı şəhid və qazi ailələrinin ölkə başçımız İlham Əliyevin və Birinci vitse-prezidentimiz Mehriban Əliyevanın daim diqqət və qayğısı ilə əhatə olunduqlarından, torpaqlarımızın işğaldan azad olunması uğrunda şəhid olan oğullarımızın əziz xatirəsinin hər zaman anılacağından, qazilərimizin xidmətlərinin unudulmayacağından danışıb. 

G.Ağamalı bildirib ki, bu diqqət və qayğıya dəstək olmaq hər bir Azərbaycanlının vəfa borcudur.