Azərbaycanın İrandakı səfirliyinin fəaliyyəti bərpa olunacaq? - Açıqlama

Azərbaycanın İrandakı səfirliyinin fəaliyyəti bərpa olunacaq? - Açıqlama

İran Xarici İşlər Nazirliyinin (XİN) mətbuat katibi Nasir Kənani sentyabrın 18-də bildirib ki, Tehran Azərbaycan Respublikasının İrandakı səfirliyinin fəaliyyətinin bərpa ediləcəyinə ümid edir.

 

O, bu xüsusda müsbət dinamika kimi İran və Azərbaycan XİN rəhbərləri Hüseyn Əmir Abdullahianla Ceyhun Bayramov arasında telefon danışığını qeyd edib.

 

Maraqlıdır, yaxın zamanlarda İranda səfirliyimizin bərpası real görünürmü? Səfirliyin yenidən açılması üçün hansı addımlar atılmalıdır?

 

Məsələ ilə bağlı Sfera.az-a açıqlama verən Beynəlxalq Münasibətlərin Təhlili Mərkəzinin (BMTM) İdarə Heyətinin sədri Fərid Şəfiyev istintaqın gedişatından asılı olaraq, addımların atıla biləcəyini qeyd edib:

 

"Səfirliyin yenidən açılması üçün istintaqın nəticələri bəlli olmalıdır. Yəni Tehranda baş verən terror aktı ilə əlaqədar məhkəmə keçirilməyib, nəticələr bəyan edilməyib. Ona görə də proqnoz vermək çətindir. Düzdür, istintaqın tamamlanması ilə bağlı xəbərlər var, lakin yekun qərar hələ də yoxdur".

 

BMTM sədri İran tərəfindən əlaqələrin yaxşılaşdırlması ilə bağlı müsbət siqnalların olduğunu deyib:

 

“Lakin ümumi vəziyyət Azərbaycan-Ermənistan, Ermənistan-İran əlaqələrindən asılıdır. Son günlər İran tərəfindən Zəngəzurla bağlı dolayısıyla verilən mesajlar, yəni onların geosiyasi dəyişiklikləri qəbul etməyəcəkləri ilə bağlı açıqlamalarının içərisində bir qədər hədə var. Ona görə İran tərəfindən Azərbaycan-Ermənistan münasibətləri ilə əlaqədar bundan sonra verilən hansısa mənfi reaksiya ikitərəfli münasibətlərin normallaşmasına zərbə olacaq".

 

Xatırladaq ki, yanvarın 27-də Bakı vaxtı ilə səhər saat 8:30 radələrində Azərbaycan Respublikasının İran İslam Respublikasındakı səfirliyinə silahlı hücum olub. Hücum edən şəxs “Kalaşnikov” markalı avtomat silahla mühafizə postunu yararaq, mühafizə xidmətinin rəisini qətlə yetirib. Səfirliyin iki nəfər mühafizə əməkdaşı isə hücumun qarşısını alarkən yaralanıblar.

 

Əzizə Zeynal


OXŞAR XƏBƏRLƏR

Bir çox paranormal hadisələrin baş verdiyi Myrtles plantasiyası

Luizianada ən çox ruh və kabusların müşahidə olunduğu yer - “Myrtles Plantation” (Myrtles plantasiyası) haqqında rəvayət və fərziyyələr bu günə qədə...

Peruda Kolumb dövründən əvvələ aid mumiyalar aşkar edildi

Perunun Barranka şəhərinin kənarında Polşa və Peru alimlərindən ibarət bir qrup bu yaxınlarda maraqlı tariximizə işıq salan arxeoloji abidə aşkar ediblər. &nbs...

BBC xəbər aparıcısı canlı yayımda orta barmağını göstərdi - FOTO

Britaniyanın BBC kanalında xəbər aparıcısı olan 46 yaşlı Meriam Moşiri canlı yayımın başlamasından xəbəri olmadığı üçün kameraya orta barmaq göstərib.   ...

Bəy toy günü gəlinə "yox" dedi

33 yaşlı öküz döyüşçüsü Xuan Orteqa öz toyuna gəlməyərək qohumlarını və dostlarını şoka salıb.   Sfera.az bildirir ki, qalmaqaldan sonra gəlin evə gedə...

Həkim xəstəsini gizli şəkildə necə hamilə edib?

Pasiyentlərdən biri həkim Kristofer Gerndonu onun razılığı olmadan öz sperması ilə hamilə qoymaqda ittiham edib. Bundan sonra həkimin lisenziyası əlindən alınıb...

Birinci Dünya Müharibəsi zamanı Britaniyalılara kömək edən fil - FOTO

Birinci Dünya Müharibəsi zamanı İngiltərədə Lizzie adlı bir hind fili şəhər ətrafında maşın və sursat daşımağa kömək edib. O, həmçinin Şeffild tökmə zavodlarını...