Yaponiyadan Putin-Kim Çen İn görüşünə ilkin reaksiya gəlib.

Sfera.az bildirir ki, bu barədə ölkənin xarici işlər naziri Yoko Kamikava çıxış edib.

O, Rusiya və Şimali Koreya arasında mümkün silah sazişinin BMT Təhlükəsizlik Şurasının qətnamələrinə zidd olacağını vurğulayıb.

“Hökumətimiz sammitin yekunu ilə bağlı cavab vermək iqtidarında deyil. Biz bu məsələni, o cümlədən Şimali Koreya ilə silah ticarətini, bunun Təhlükəsizlik Şurasının qətnamələrinin pozulmasına gətirib çıxara biləcəyi ehtimalını diqqətlə izləyirik. Rusiyanın Ukraynaya müdaxiləsi tamamilə qəbuledilməzdir”.

Qurum rəsmisi qeyd edib ki, istənilən halda, Yaponiya müvafiq məlumatların toplanmasına və sonrakı təhlilinə davam edəcək: “BMT-nin müvafiq qətnamələrinin tam icrasını təmin etmək üçün ABŞ və Cənubi Koreya da daxil olmaqla, beynəlxalq ictimaiyyətlə sıx əməkdaşlıq edəcəyik”.

Türkan