https://sfera.az/maraqli/385359/turkiye-sahillerinde-4-700-yasli-geminin-qaliqlari-tapildi-video https://i.ytimg.com/vi/Nf2qmg120_Q/maxresdefault.jpg Türkiyə sahillərində 4 700 yaşlı gəminin qalıqları tapıldı - VİDEO Türkiyəli arxeoloqlar təxminən 4 700 il əvvələ aid gəmi qalıqları aşkar ediblər. Bu, dünyanın ən qədim gəmi qəzasının tapıntıları olduğu hesab olunur.Sfera.az CNN-ə istinadən xəbər verir ki, Türkiyənin Mədəniyyət Nazirliyinin yaydığı məlumata görə, ölkənin cənub sahillərində, Kekova adası yaxınlığında, təxminən 30 metr dərinlikdə yerləşən gəmi qalıqlarında qazıntılar zamanı amfora adlanan qədim saxlama qabları aşkarlanıb:“4 400–4 700 il əvvələ aid olan amforalar (gil qab) dənizçilik tarixi, dənizçilərin gündəlik həyatı və həmin dövrdə mövcud olan ticarət əlaqələri barədə yeni məlumatlar verir.Qabların əsasən zeytun yağı və ya şərab daşınması üçün istifadə edildiyi ehtimal olunur. Lakin amforalardan birinin üzərindəki xüsusi işarələr və gövdəsindəki iki dəlik onun pendir və ya kərə yağı hazırlamaq üçün istifadə edildiyini göstərir”.Tədqiqatçıların fikrincə, bu amforanın mövcudluğu dənizçilərin səfərləri zamanı özləri ilə keçi apardıqlarını və onların südündən süd məhsulları hazırladıqlarını ehtimal etməyə əsas verir.Antalyadakı Akdeniz Universitetinin professoru Hakan Önizin rəhbərlik etdiyi qazıntı işləri çərçivəsində gəmi qalıqları ilk dəfə dörd il əvvəl aşkar edilib. Öniz CNN-ə bildirib ki, əvvəlcə amforaların daha yaxın dövrə aid olduğu düşünülüb. Amma Öniz Misirdəki Giza piramidalarının yaxınlığında tapılmış amforalar haqqında elmi nəşrlə tanış olduqdan sonra fikirlər dəyişib. Həmin qabların ən qədim nümunəsinin gəminin batdığı dövrlə eyni vaxtda hazırlandığı ehtimal edilirdi.Öniz bildirib ki, bunlar gəmi qalıqlarında tapılan amforalara bənzəyirdi. O, əlavə edib ki, bundan sonra tədqiqatçılar əraziyə yenidən suya daxil olaraq axtarışlar aparıblar.Amforalar üzrə tanınmış mütəxəssis, avstraliyalı arxeoloq Karin Sovadanı gəmi qalıqlarını araşdıraraq, sübutları qiymətləndirib. Öniz avstraliyalı arxeoloqla ortaq qənaətə gəldiklərini və əlavə təhlillərə başladıqlarını qeyd edib. Onun sözlərinə görə, tədqiqat qrupu dünyanın ən qədim gəmi qəzası olması ehtimalına əmindi https://www.youtube.com/embed/Nf2qmg120_Q 2026-10-16T08:14:00.000Z yes