"Azərbaycanın çörəyini yeyib dövlətimizə qarşı təbliğat aparanlara çörəyimiz və verilən titular haram olsun”.

Sfera.az-a açıqlamasında bu sözləri Amerika Yəhudi Komitəsinin icraçı direktoru David Harrisin ABŞ-da qondarma "Erməni soyqırımı tanınmalıdır" təbliğatını aparmasına etiraz olaraq 2012-ci ildə Azərbaycanda ona verilən "Dostluq” ordeninin geri alınması məsələsinə münasibət bildirərkən Milli Məclisin deputatı Fəzail İbrahimli deyib.

Deputat qeyd etdi ki, vaxtilə David Harrisə verilmiş "Dostluq” ordeninin geri alınıb alınmaması aydiyyatı qurumların işidir: "Buna cavabdeh və həmin səlahiyyətləri yerinə yetirən aydiyyatı qurumlar var. Bir vətəndaş olaraq isə istərdim ki, Harrisə vaxtilə verilən həmin "Dostluq” ordeni ondan gedi alınsın. İndi o özünü Azərbaycanın dostu kimi qələmə verib, həm də ermənilər xoş görünməyə çalışır. Görünür, erməni pulu Harrisi yerindən oynadıb. Erməni lobbisinin ağuşuna düşüb, ona görə də indi qondarma erməni soyqırımının tanınması təbliğatını aparır. Belə hadisələrə görə cəza mexanizmi olmadığından bəzi insanlar istədiyi addımı atır”.

Elçin