Sfera.az həmin sui-qəsd hadisələrinin biri haqqında yazını təqdim edir.

Məlum olduğu kimi SSRİ tarixinə "Böyük təmizlik” adı ilə düşən 1930-cu illərin ortalarından ali rütbəli hərbçilər də Stalinin hədəfinə düşüb. Onlardan biri də SSRİ-nin ilk 5 marşalından biri - Mixail Tuxaçevski olub ki, 1937-ci ildə o, məhkəmənin hökmü ilə vətənə xəyanətdə, terror aktlarının hazırlanmasında, hakimiyyəti devirərək ölkədə hərbi diktatura yaratmağa cəhddə ittiham olunaraq ən ağır cəzaya, güllələnməyə məhkum edilib. Məhz məhkəmə prosesinin gedişi zamanı İosif Stalin hakimlərə şifahi şəkildə xəbərdarlıq göndərib: "Heç bir güzəşt olmamalıdır”.

Marşal Tuxaçevski orduda böyük nüfuza sahib olduğundan, onun ölüm hökmünə məhkum edilməsi ictimaiyyət və Silahlı qüvvələrin şəxsi heyəti tərəfindən birmənalı qarşılanmayıb. Hətta İosif Stalindən Tuxaçevskinin qisasını almaq fikrinə düşən zabitlər də tapılıb...

Amma növbəti gəzintidə Kreml məmurları öz rəhbərləri ilə söhbətdən məhrum olublar. Belə ki, əynində "NKVD” forması olan bir gənc İşlər İdarəsinin yerləşdiyi korpusun qarşısından çıxaraq yenicə həyətə düşən Stalinin qarşısına çıxıb. Kitelinin iç cibində gizlətdiyi tapançını çıxarıb Stailinə tuşlayanda baş mühafizəçi Nikolay Vlasik öz bədəni ilə Stalini qapayaraq yerə uzandırıb. Atəş havaya açılıb. Digər mühafizəçilər bir göz qırpımında gənc oğlanı zərərsizləşdiriblər.

"NKVD” formalı gənci yoxlayanda, məlum olub ki, o, Tula qarnizonunda yerləşən hərbi hissələrin birində xidmət edir, "NKVD”-yə heç bir aidiyyatı yoxdur. O da məlum olub ki, leytenant rütbəli Danilov böyük "peşəkarlıqla” özünə saxta "NKVD” vəsiqəsi düzəldib. Bununla yanaşı, o, surğuc möhürlü zərflər də hazırlayıb. "NKVD” formasını əldə edən Danilov Kremlə gələrək əlindəki zərflərin İşlər İdarəsinə veriləcəyini bildirib.

Stalini öldürmək planı üzərində iki aydan artıq düşünən Danilov əslində belə şansın ələ düşəcəyini heç ağlına da gətirməyib. Stalinlə təsadüfən üz-üzə gəlmək şansı isə Danilovun heç yuxusuna da girməyib.

Stalinə Danilov haqqında bütün məlumatları məruzə etdikdən sonra o, leytenantı yanına çağırtdırıb. Təbii ki, leytenantla görüşmək Stalin üçün o qədər də maraqlı görüş sayılmayıb. Sadəcə, Stalin qəsdin arxasında kimin dayandığını müəyyənləşdirmək istəyib.

Nəhayət, gecədən xeyli keçmiş leytenantla marşal görüşüblər. Qəzəbi soyumuş Stalin mülayim tonda danışıb:

Hansı cəzaya məhkum olunacağını yaxşı bilən Danilov başını dik tutaraq Stalinə ötkəm cavab verib:

Stalin Danilovun aqressivliyini hiss edib və söhbətin davamını mənasız sayıb. Mühafizəçilər Danilovu aparıblar.

Qısa müddətdən sonra Danilovun məhkəməsi başlayıb. Məhkəmə leytenantı ən ağır cəzaya, güllələnməyə məhkum edib.

Məhkəmədə Danilova son söz veriləndə, o, sonuncu fikirlərini bir şüarla ifadə edib:

Qeyd edək heç bu hadisə də Stalinin hərbçilərə qarşı repressiyasının qarşısını almayıb.