Sərt karantin daha iki həftə uzadılır? - Mümkünlüyü haqda açıqlama verildi

Sərt karantin daha iki həftə uzadılır? - Mümkünlüyü haqda açıqlama verildi
Ölkədə koronavirusa yoluxma halının xeyli azalması həm məsuliyyətli vətəndaşların artması, həm də uzadılan sərt karantin rejiminin nəticəsidir.

Sfera.az xəbər verir ki, bunu Milli.Az-a açıqlamasında həkim-infeksionist Azər Nağıyev deyib.

O bildirib ki, bugünkü günə olan epidemioloji vəziyyət davam edərsə, Operativ Qərargah yumşaldılmaya gedəcək, hamısına olmasa da müəyyən yumşaldılma tədbirləri görəcəklər:

"Karantin rejimi uzadıldı, bir tərəfdən də insanlar indi daha çox məsuliyyəti dərk etməyə, qaydalara daha çox riayət etməyə başladılar. Bu da nəticəsini verdi. Bugünkü günə olan vəziyyət davam edərsə, düşünürəm ki, Operativ Qərargah yumşaldılmaya gedəcək, hamısına olmasa da müəyyən yumşaldılma tədbirləri görəcəklər.

Bir neçə əsas sahələrdə yumşaldılma ola bilər

Birdən bütün sahələrdə yumşaldılmaya getmək qeyri-mümkündür, amma bir neçə əsas sahələrdə yumşaldılma ola bilər. Amma son günlərdə statistika əksinə dəyişərsə, sərtləşdirilmiş karantin rejiminin uzadılması qaçılmaz ola bilər, bir neçə həftə də uzadıla bilər. 

Bir neçə il bu şərtlər daxilində yaşamağa artıq məhkumuq

Sosial məsafəyə riayət etmək, tibbi maskadan istifadə zərurəti və gigiyenik qaydalara əməl etməklə, fikrimcə, yaxın aylarda, hətta bir neçə il bu şərtlər daxilində yaşamağa artıq məhkumuq. Bunu etməsək, ən azından xəstəliyin artması, yoluxma halları, bədbəxt sonuclarla qarşılaşa bilərik. Yəni, bu qaydalarla biz uzun müddət yaşamalıyıq. Bu həyat tərzini artq özümüz-özümüzə təlqin etməliyik. Sözügedən 3 qaydanı müvəqqəti qayda kimi yox, ən azından uzunmüddətli bir qayda kimi qəbul etməliyik. Həyat tərzimizə çevirməliyik bu qaydaları".

Həkim-infeksionist qeyd edib ki, tibbi maskadan istifadəyə görə cərimələrin endirilməsi ilə razı deyil:

"Belə götürək, onsuz da, sosial məsafə və gigiyenik qaydalar normal insanın həyat tərzidir, hər hansı bir pandemiya olmasa da. Amma tənəffüs yollarının qorunması, bəli, insan ömür boyu buna riayət etmək məcburiyyətində deyil. Amma belə bir xəstəliklər olanda ola bilər ki, bir neçə ay, yaxud bir neçə il riayət etsin. Hətta tibbi maskadan istifadəyə görə cərimələrin endirilməsi ilə heç razı olmaram. Ya bunu biz könüllü şəkildə etməliyik, ictimai qınaq olmalıdır, hər birimiz bir-birimizə xatırlatmalıyıq, ya da cərimə olmalıdır. Çünki üzümüzə gələn payız aylarında maska taxmamağımız qeyri-mümkündür. Maskadan istifadə mütləqdir. Ona görə ya bunu könüllü, ya məcburi etməliyik. 

Mənə elə gəlir ki, artıq ayın 5-dən sonra rayonlara gediş-gəliş üçün yollar açılacaq. Ən azından bir neçə həftə insanların istirahət yerlərinə, doğmalarına baş çəkməyə icazə veriləcək. Bu, mənim subyektiv fikrimdir, çimərliklərin açılması mütləqdir".

OXŞAR XƏBƏRLƏR

Prezident SƏRƏNCAM İmzaladı

  Prezident İlham Əliyev Azərbaycan Respublikasında təhsil infrastrukturunun inkişafı ilə əlaqədar əlavə tədbirlər haqqında sərərncam imzalayıb. Sərəncam...

Nağdəliyevlərə məxsus biznes — FOTOLAR

  İki il bundan öncə dövlət başçısı İlham Əliyev Goranboyda olub, "Region Aqro” aqroparkının açılışını edib. Dövlətin böyük maliyyə dəstəyi ilə ərsəyə gəl...

Cahangir Əsgərovin gözqamaşdıran varidatı ilə bağlı SİYAHI YAYILDI

Xəbər verdiyimiz kimi, dünən keçirilən müşavirə zamanı prezident İlham Əliyev AZAL-ı tənqid etdi.    Sfera.az xatırladır ki, prezident AZAL-ın bütün...

Avqustda da 190 manat veriləcək - İlham Əliyevdən tapşırıq

  Prezident İlham Əliyev bugünkü müşavirədə avqust ayında da 190 manatın ödənilməsi ilə bağlı göstəriş verib. Sfera.az  xəbər verir ki, dövlət ...

“Mənə təzyiqlər var, sabaha sağ çıxmaya bilərəm” – TƏBİB-i tənqid edən deputat

Milli Məclis deputatı Razi Nurullayev yenidən diqqəti öz üzərinə çəkib. Millət vəkilinin TƏBİB və Operativ Qərargahı sərt şəkildə tənqid etməsi sosial şəbəkələ...

Təhsil eksperti deputata məsləhət verdi: “Gələn dəfə parlamentdə çıxış edəndə…”

"Bu publikaya işləyən ifadədir. Bəli, insanların gəlirləri aşağı düşüb. Bununla belə, ali təhsil müəsisələri təhsil haqlarını azaltsa işçilərin 50 faizini işd...