“Sergey Lavrovun Qarabağla bağlı açıqlaması ədalətsizdir”
12:43 / 19.01.2017
1417
Sfera.az-ın məlumatına görə, bunu Milli Məclis sədrinin müavini, Parlamentin İnsan hüquqları komitəsinin sədri Bahar Muradova jurnalistlərə açıqlamasında Rusiyanın xarici işlər naziri Sergey Lavrov Dağlıq Qarabağ məsələsi ilə bağlı verdiyi açıqlamasına münasibət bildirərkən deyib.
B.Muradova bildirib ki, Sergey Lavrovun Dağlıq Qarabağla bağlı sözügedən açıqlaması ədalətsizdir.
Vitse-spiker qeyd edib ki, Rusiyanın Dağlıq Qarabağ məsələsinin həlli ilə bağlı geniş imkanları var:
"Rusiya Azərbaycana dost, tərəfdaş ölkədir. Hesab edirəm ki, Azərbaycanın xarici işlər naziri Elmar Məmmədyarov bununla bağlı mövqeyini ifadə edib. Dağlıq Qarabağ məsələsinin həlli ilə bağlı kimlərinsə müxtəlif mənalar ifadə edən fikirlərindən daha çox real hərəkət gözləyirik”.
Xatırladaq ki, Rusiyanın xarici işlər naziri Sergey Lavrov bir neçə gün öncə mətbuata açıqlamasında Dağlıq Qarabağ məsələsinin Azərbaycanın daxili işi olmadığını bəyan edib.