Sənədsiz evlər sökülərkən kompensasiya verilsinmi? – Deputat “yox” dedi, ekspert tənqid etdi...

Sənədsiz evlər sökülərkən kompensasiya verilsinmi? – Deputat “yox” dedi, ekspert tənqid etdi...
 

 

"Deputatın və Əmlak Məsələləri Dövlət Komitəsinin sözügedən açıqlamaları dünya praktikasına, habelə adi məntiqə zidddir”.


Sfera.az-a açıqlamasında bu sözləri Milli Məclisin deputatı Fəzail Ağamalının "sənədsiz evlərə görə kompensasiya verilməməlidir” fikrinə münasibət bildirərkən iqtisadçı ekspert Natiq Cəfərli deyib.

 

 

O,qanunsuz tikilən evlərə görə müvafiq icra orqanlarının məsuliyyət daşıdığını vurğulayıb: "Belə vəziyyətin yaranması tək vətəndaşın məsuliyyəti deyil.Burada müvafiq icra strukturları da məsuliyyət daşıyır. Tək Abşeron yarımadasında 500 minə yaxın sənədsiz ev var. Bu o deməkdir ki, həmin rəqəm kifayət qədər böyük bir kütləni əhatə edir.Az qala 1,5-2 milyon insanı narahat edən bir problemdir. Hər hansı bir yerdə daşın üstünə daş qoyan kimi bir neçə dövlət orqanı həmin vətəndaşın qapısını döyür. Belə olan halda necə ola bilər ki, həmin yerlərdə evlər tikilir, vətəndaş orada illərdir yaşayır, amma bununla bağlı heç bir hökumət orqanı məsuliyyət daşımır?”.


Həmin səbəbdən, habelə beynəlxalq praktikaya istinad etməklə həmsöhbətimiz deputatın sözügedən məsələyə doğru yanaşmadığını bildirdi: "Bu doğru yanaşma deyil. Bundan başqa, beynəlxalq praktikaya görə hər hansı bir yaşayış ərazisində yaşayanlarkommunal xərcləri ödəyirsə, yaşadıqları məkana, daşınmaz əmlaka avtomatik olaraq mülkiyyət hüququ yaranır.Dünyanın hər yerində belədir.Türkiyədə uzun illər gecəqondular müzakirə obyekti olub. Amma dövlət onları sökməyə başlayanda hamısına kompensasiya ödədi. Çünkiburada yaşayan insanlar uzun illərdir işıq, qaz, su pulu verirdi. Yəni necə ola bilər ki, insan uzun illər ərzində eyni mənzildə yaşamaqla kommunal xidmətləri ödəsin, amma onun heç bir mülkiyyət hüququ tanınmasın? Bu məntiqli yanaşma deyil. Ona görə də həm deputatın, həm də Əmlak Məsələləri Dövlət Komitəsinin sözügedən açıqlamalar verməsi dünya praktikasına, habelə adi məntiqə zidddir”.

 

 

Qeyd edək ki, deputat Fəzail Ağamalı mətbuata açıqlamasında qanunsuz tikililərə görə onun sahiblərinə kompensasiya ödənilməsinin düzgün olmadığını bildirib. Bundan əvvəl isə Əmlak Məsələləri Dövlət Komitəsinin mətbuat xidmətinin rəhbəri Qulu Xəlilov da qanunsuz tikilən evlərə görə kompensasiyanın verilməyəcəyini diqqətə çatdırmışdı.

 

 

Elçin

OXŞAR XƏBƏRLƏR

“Ala bunun 1000 manatını qoy cibinə” - Həbs olunan icra başçısının müavini ilə şok söhbəti

Ağstafa rayon İcra hakimiyyətinin başçısı Nizaməddin Quliyev və müavinləri Ramiz Tatarovla, Lalə Eyyubovanın, həmçinin Yevlaxın keçmiş icra başçısı Qoca Səmədov...

Azərbaycanda növbədənkənar parlament seçkiləri keçiriləcək - TARİX BİLİNDİ

  Bu gün Yeni Azərbaycan Partiyası (YAP) Siyasi Şurasının təcili toplantının keçirilməsinin səbəbi bilinib. Sfera.az  bildirir ki, toplantının təcil...

Azərbaycanlı jurnalistlər Ermənistanda və 27 il sonra Şuşada olublar - ADLAR

ATƏT-in fəaliyyətdə olan sədrinin şəxsi nümayəndəsinin ofisinin təşkilati dəstəyi ilə Azərbaycan və Ermənistan tərəfindən bu ilin 17-21 noyabr tarixlərində iki ...

“Yerlibazlıq edib, sənə imkan yaratdıq” – Oqtay Əsədovdan Sahil Babayevə

  "Hamı böyük səbrlə sizə qulaq asdı. Sən bizim içimizdən çıxmısan, bir az yerlibazlıq edib, həm deputatlar, həm də mən imkan yaratdıq ki, bütün hesabatı ...

İstefa verən icra başçısının səs yazısı yayıldı: “Bu çoxdan lazım idi” - AUDİO

  Xaçmazın icra başçısı Şəmsəddin Xanbabayev vəzifəsindən istefa verib.  Sfera.az xəbər verir ki, bu barədə yenisabah.az-a Şəmsəddin Xanbabayev bild...

"Məndən əl çəkmirlər" - Əli Həsənov nəvəsinin qəza törətməsindən danışdı

"Görünür, bəzi məmurlar cənab Prezidentin müşavirədəki iradlarını nəzərə almaq istəmirlər” Baş Nazirin sabiq müavini Əli Həsənovun adı yenidən medianın gündə...