"Seksi geyinirəm. Həccə gedib gəldikdən sonra qapalı paltarlara keçəcəm" - Mina

 Real həyatda açıq geyinmirəm. Ancaq efirlərə çıxanda seksi geyinirəm. Həccə gedib gəldikdən sonra ola bilər ki, qapalı paltarlara keçim. Tanıdığım elə sənət adamları var ki, Həccə gedib gəliblər, amma onlar bu gün içki də içirlər, bütün oyunlardan da çıxırlar. Adlarını çəkməyəcəm. Mən onlar kimi olmaq istəmirəm".

Sfera.az big.az-a istinadla Mina ilə müsahibəni təqdim edir:

- Mina, başlayaq bu yaxınlarda verdiyiniz açıqlamadan. Həccə getmək arzusunda olduğunuzu bildirmisiniz.

- İlk olaraq deyim ki, hər bir müsəlmanın Həccə getmək istəyi, arzusu var. Burada təəccüblü bir şey yoxdur. Fərq etmir, açıq geyindin, ya yox, hər bir insanın Həccə getmək haqqı var. Mən də insanam, ona görə mən də getmək istəyirəm.

- Niyə açıq-saçıq geynirsiniz?

- Bilirsiniz, real həyat başqa şeydir, səhnə həyatı tamam başqa. Mənim əsl adım Nərmindir. Lakin səhnədə Mina obrazında fəaliyyət göstərirəm. Əslində real həyatda açıq geyinmirəm. Ancaq efirlərə çıxanda seksi geyinirəm. Həccə gedib gəldikdən sonra ola bilər ki, qapalı paltarlara keçim. Tanıdığım elə sənət adamları var ki, Həccə gedib gəliblər, amma onlar bu gün içki də içirlər, bütün oyunlardan da çıxırlar. Adlarını çəkməyəcəm. Mən onlar kimi olmaq istəmirəm.

- İçkidən söz düşmüşkən,Mina, heç içki içirsiniz?

- Ancaq su içirəm (gülür). Açığı, içki içən deyiləm, çünki mənə düşmür. Bir neçə dəfə içki də içmişəm. İçki içmək günah deyil. Əslində günahdır, sadəcə qadağa deyil.

- Belə bir açıqlama da etmisiniz ki, sinəm özümə məxsusdur...

-Bəli, sinəm özümə məxsusdur. Əgər mən bədənimi şəkilləndirməyə getsəydim, mütləq hansısa bir həkim onu paylaşacaqdı ki, Minanı əməliyyat etmişəm. Hər şey özümündür, kim inanmırsa, sübut etmək üçün həkimə gedə bilərik.

- Mina, sevgi etirafları çox alırsınız?

- Əlbəttə, sevgi təklifləri alıram. Mən də xanımam. Hətta onların sayı çox olur.

- İnstaqramda rəy bölümünü niyə bağlayırsınız?

- Axırıncı fotosessiyadan sonra bağlamağa məcbur oldum. Çünki çox qeyri-etik ifadələr, pis sözlər yazırdılar. Bu da mənim əhvalıma pis təsir edirdi, ona görə bağladım.

- Demisiniz ki, abır geyimlə ölçülmür. Bəs sizə görə abır nə ilə müəyyən olunur?

- Mənim üçün abır anlayışı evli olan bir qadının ərinə xəyanət etməməsi, gündə biri ilə görüşməyən kişilərin olmasıdır, mənim üçün abır insanların sosial şəbəkələrdə təhqirlər yazmamasıdır. Özünü normal aparan insan mənim üçün abırlıdır. Mən çox bağlı geyinə bilərəm, amma tərbiyəm o olmaz. Ona görə dedim ki, geyimlə ölçülmür.

- Niyə sənətdən daha çox fotosessiyalara, açıq-saçıq geyimdə olan şəkillərə üstünlük verirsiniz?

- Bilirsiniz, elə bir dövrdə yaşayırıq ki, insanlar elə şeylərə daha çox meyil edirlər. Məsələn, mən öz ifamda hansısa bir mahnı paylaşıram, baxış sayı 2, 3 mini keçmir. Elə ki, soyunub çəkdirdiyim fotoları paylaşım, bəyənmə sayı yüz mini keçir, hamı baxır. Səsə, sənətə o qədər də önəm vermirlər. Bu o deməkdir ki, mənim səsim yox, gözəlliyim insanları maraqlandırır.

- Düşünmürsünüz ki, o fotolardan sonra sizinlə ailə qurmaq istəməsinlər?

- Mən ailə həyatı qurmaq istəmirəm, fikrim yoxdur. Hələ ki, tezdir. Əslində yanımda olmağa can atan insanlar çoxdur. Bilirlər ki, çevrəm çox sağlamdır. Ətrafımda yaxşı insanlar çoxdur. Hər birinə təşəkkür edirəm.

OXŞAR XƏBƏRLƏR

Təranə Qumralın qızı qısa şortda elə rəqs etdi ki... - VİDEO

Müğənni Təranə Qumralın qızı Qumral yenə də sosial mediadakı paylaşımı ilə diqqət çəkib. Sfera.az xəbər verir ki, Qumral instaqram hesabında rəqsini paylaşıb. ...

Oksana Rəsulovanın koronavirusla bağlı səs yazısı yayıldı - VİDEO

"Ehtiyac yaranarsa, könüllü həkim kimi virusla mübarizəyə qoşularam".  Sfera.az Redaktor.az-a istinadla xəbər verir ki, bu sözləri rəqqasə, aktr...

Murad Dadaşov onu da Xəzər TV-yə gətirdi

 "Xəzər" televiziyası tamaşaçıya yaxın günlərdə yeni layihə təqdim edəcək. Sfera.az bildirir ki, sözügedən telekanalın rəhbəri Murad Dadaşov türkiyəl...

Nazəninə AĞIR İTKİ

Tanınmış müğənni Nazəninə ağır itki üz verib. Sfera.az xəbər verir ki, bu gün sənətçinin qardaşı dünyasını dəyişib: "Daha bir qardaşımı itirdim”. ...

“Səndən sonra heç vaxt evlənməyəcəm” — Xərçəngdən əziyyət çəkən aktrisadan kədərli ETİRAF

Əməkdar artist Tünzalə Əliyeva əziyyət çəkdiyi xərçəng xəstəliyindən danışarkən göz yaşlarını saxlaya bilməyib. Sfera.az xəbər verir ki, o, bu barədə ARB...

"Həyat yoldaşım hansısa qadınla yatacaqsa..." - Nura Surinin bu açıqlaması aranı qatdı

Tanınmış müğənni Nura Surinin xəyanətlə bağlı açıqlaması sosial şəbəkələrdə birmənalı qarşılanmayıb və müzakirələrə səbəb olub. Sfera.az xəbər verir ki, k...