Şəhid Xudayarı təhqir edən şəxsi döyənləri hansı cəza gözləyir? – Vəkil açıqladı
10:57 / 29.04.2021
1420
Xəbər verdiyimiz kimi, sosial şəbəkədə şəhid
Xudayar Yusifzadə haqqında nalayiq ifadələr işlədən şəxs döyülüb.
Bununla bağlı vəkil Elvin Məhərrəmov
Sfera.az-a açıqlamasında qeyd edib ki, həmin şəxslərin əməlləri birbaşa olaraq Azərbaycan Respublikasının
Cinayət Məcəlləsinin 221-ci maddəsinin, yəni xuliqanlıq cinayətinin tərkibini
yaradır:
"Xuliqanlıq, yəni ictimai qaydanı kobud surətdə
pozan, cəmiyyətə açıqca hörmətsizlik ifadə edən, şəxslər üzərində zor tətbiq
olunması ilə və ya belə zorun tətbiq edilməsi hədəsi ilə, habelə özgənin əmlakının
məhv edilməsi, yaxud zədələnməsi ilə müşayiət edilən qərəzli hərəkətlərdir”.
Vəkilin sözlərinə görə, həmin şəxslərin əməlləri
Azərbaycan Respublikasının Cinayet Məcəlləsinin 221.2.1ci maddəsi ilə tövsif
olunmalıdır:
"221.2.1-ci maddəyə əsasən, xuliqanlıq bir
qrup şəxs tərəfindən və ya təkrar törədildikdə iki ilədək müddətə islah işləri
və ya üç ilədək müddətə azadlığın məhdudlaşdırılması və ya bir ildən üç ilədək
müddətə azadlıqdan məhrum etmə ilə cəzalandırılır”.
Günay
