Tarix Əliyev (Tolik) bəzi müğənnilərin YouTube-dakı mahnılarının baxışına görə qazandıqları məbləği həddindən artıq şişirtdiyini bildirib.

Sfera.az xəbər verir ki, YouTube üzrə şirkət menecerinin efirdə etdiyi "16 milyon baxış olubsa 1 milyona görə 300 manat hesablasaq, 5 min civarında pul qazana bilər" açıqlama Toliki ad çəkməyə vadar edib.

Aparıcı-prodüser Şəbnəm Tovuzlunu yalan danışmaqda ittiham edib:

"Bizdən Şəbnəm Tovuzlu mənə gəlib dedi ki, mən bir mahnıma görə 8 min dollar pul qazandım. Mən "TREND"-də olanlardan danışıram. Şəbnəm Tovuzlu gəldi burada mənə dedi ki, "Mən bir mahnıma görə qol çəkdim, 8 min dollar pul aldım". Ceyhun, "Videocorp"-un nümayəndəsisən. Hansı müğənniyə bir mahnısına görə 2 min dollardan artıq pul verdin? Adını de mənə, yoxdur elə müğənni".