Şotlandiyada 1501 körpə narkotik aludəsi kimi doğuldu

2017-ci ildən bu yana Şotlandiyada 1501 körpə analarının narkotik vasitələrdən qanuni və ya qeyri-qanuni istifadə etməsi səbəbindən maddə aludəsi olaraq doğulub.

Sfera.az xəbər verir ki, Şotlandiya Liberal Demokrat Partiyası maddə asılılığı ilə doğulan körpələrdə rast gəlinən "Yeni doğulmuş abstinens sindromu (NAS)" haqqında hesabat hazırlayıb.

Paytaxt Edinburqun daxil olduğu Lothian bölgəsində 774 körpə asılı olaraq doğulduğu halda, Qlazqo və Klayd bölgəsində 221 körpə, Aberdin əyalətinin də daxil olduğu Qrampiyan bölgəsində 209 körpə aludə kimi doğulub.

Hesabatda həmçinin narkotik aludəsi kimi doğulan körpələrdə nəzarət oluna bilməyən titrəmə, hiperaktivlik, dəri səpgiləri və yüksək səslə ağlamalar olduğu qeyd edilib.

Hesabatla bağlı açıqlama verən Şotlandiya Liberal Demokrat Partiyasının lideri Alex Cole-Hamilton bildirib ki, bir körpə üçün narkotik aludəsi olaraq həyata başlamaqdan daha pis bir şey yoxdur.

Cole-Hamilton Şotlandiya hökumətinin narkotik və narkotiklə əlaqəli ölümlərlə mübarizədə uğursuz olduğunu vurğulayıb və Şotlandiyanın keçmiş Regional Baş naziri Nikola Sturgeonun alkoqol və narkomaniya xidmətlərini tənqid edib.O, Sturgeonun 2014-2023-cü illər arasında Baş nazir olduğu müddətdə bu xidmətlərin büdcələrini kəsdiyini deyib. Cole-Hamilton Şotlandiya hökumətini narkomaniya ilə mübarizəyə daha çox dəstək verməyə çağırıb.

Firuzə Əliyeva