Bayram tətilindən sonra işə adaptasiya olmaq üçün nələr etməliyik? - TÖVSİYƏ

Bayram günlərindən sonra işə adaptasiya olmaq bəzən çətin ola bilər. Bəzi insanlar bayram dövründə rahatlayır, iş rejimindən uzaqlaşır və tətil ovqatına köklənirlər. 

Sfera.az bildirir ki, mütəxəssislər bu keçid dövrünü daha rahat etmək üçün bəzi məsləhətlər verirlər.

Məsələn, psixoloqların fikrincə, bayramdan sonra birdən-birə işə başlamamaq, bir neçə gün əvvəlcədən iş rejiminə tədricən geri qayıtmaq tövsiyə edilir. Bu, həm yuxu rejimini tənzimləməyə, həm də psixoloji olaraq iş günlərinə hazırlaşmağa kömək edir. Həmçinin qeyd edilir ki, işə başlarkən kiçik və əlçatan hədəflər təyin etmək adaptasiyanı asanlaşdırır. 

İlk günlərdə daha sadə işlərlə məşğul olmaq, daha böyük layihələrə tədricən keçmək iş tempinə uyğunlaşmağınıza kömək edə bilər.

Bəzi psixoloqların fikrincə,ilk iş günləri boyunca qısa fasilələr etmək və ya işdən sonra özünüzə vaxt ayırmaq yorğunluğu azaltmağa və məhsuldarlığı artırmağa kömək edir. İşə qayıtmaq stresli olsa da, mütəxəssislər bayram dövründən əldə edilən enerjini və pozitivliyi işə də köçürməyi tövsiyə edirlər. Bayram dövründə topladığınız gücü yeni ildə işdə irəliləyiş əldə etmək üçün istifadə edə bilərsiniz.

Bayram müddətində topladığınız yeni təcrübələr və rahatlamış zehniyyət işə fərqli yanaşma ilə başlamağınıza kömək edə bilər. Bayramdan sonra işə geri qayıtmaq yeni fürsətləri dəyərləndirmək və məqsədlərinizə fokuslanmaq üçün bir fürsətdir.  Bu addımlar bayram sonrası iş rejiminə adaptasiyanı yüngülləşdirir və işdəki məhsuldarlığınızı artırır.

Türkan