İngiltərənin Bristol Universitetində aparılan  araşdırmada daimi olaraq artıq çəkiyə sahib olmağın uşaqlıq boynu xərçəngi riskini artırdığı aşkar edilib.

Sfera.az xəbər verir ki, Avstraliya, Almaniya, ABŞ, Belçika, İngiltərə, İsveçrə və Polşadan təxminən 13 mini uşaqlıq yolu xərçəngi olan 120 min qadının genetik nümunələrinin araşdırıldığı araşdırmada hər əlavə beş vahid bədən kütlə indeksinin uşaqlıq boynu xərçəngi riskini yüzdə 88 artdığı qeyd edilib.

“BMC Medicine” jurnalında dərc edilən materialda piylənmə və uşaqlıq xərçəngi arasında əlaqə yarada bilən 14 əlamət araşdırılıb. Piylənmənin hormonlar vasitəsilə xərçəng riskini necə artırdığını göstərən mütəxəssislər ümid edirlər ki, gələcəkdə bu spesifik hormonlar üçün dərman hazırlana bilər.

Qeyd edək ki, İngiltərədə uşaqlıq boynu xərçəngi yaşayan hər üç şəxsdən biri artıq çəkidən əziyyət çəkir. Həmçinin bildirilib ki, ölkədə 1960-cı ildən sonra doğulan hər 36 qadından 1-də uşaqlıq yolu xərçəngi aşkarlanıb.

Əzizə