No Image
No Image

Rüşvətlə razılıq, qonaqların ayrı-ayrı saatlarda dəvəti və... – Gizli toylar belə keçirilir

Rüşvətlə razılıq, qonaqların ayrı-ayrı saatlarda dəvəti və... – Gizli toylar belə keçirilir
Ötən günlərdə müğənni Xatirə İslamın toylarla bağlı açıqlaması ciddi səs-küyə səbəb olmuşdu. Belə ki, ifaçının "Azərbaycanda gün ərzində 500-dən çox gizli toy edilir” fikrinə hətta Daxili İşlər Nazirliyi də reaksiya vermiş və "belə cəhdlərin qarşısı mütəmadi olaraq polis əməkdaşları tərəfindən alınır” -, deyə vurğulanmışdı.

Digər tərəfdən ölkədə qadağalara rəğmən, hələ də məclis təşkil edənlərin və ya etmək istəyənlərin olduğunu da danmaq olmaz.
 
Sosioloq Lalə Mehralı Sfera.az-a açıqlamasında Xatirə İslam və digər müğənnilərin birbaşa bu sahənin içində olduqlarına görə, rəqəmlərin şişirdilmiş olmadığını bildirib:

"Mənə də son bir həftədə üç ayrı şəxslər toya getdiklərini bildiriblər. Onların sözlərinə görə, təxminən 40-150 nəfər civarında qonaq qəbul etmək olur. Başqa cür də təşkil edirlər – müəyyən saatlar təyin olunur və qonaqları az-az qəbul edirlər. Tutaq ki, kimsə 350-400 nəfərlik toy etmək istəyirsə, 100-100, 50-50 bu qonaqları dəvət edir. Təbii ki, qanunlara əməl etmək hamının borcudur. Vəzifəli-vəzifəsiz, sadə vətəndaş oldun-olmadın hər kəs üçün qanun alidir. Amma rüşvətlə bu məsələni həll edirlərsə, deməli yuxarılarda da problem mövcuddur.
 
Ölkə başçısı tələb qoyur, qanun qəbul edilir, göstəriş verilir, hər kəsə öz öhdəliyinin yerinə yetirməsi tapşırılır, lakin əməl edilirmi? Hər məmur, hər vəzifəli şəxs öz bildiyini etsə, öz cibinə işləsə, bu dövlətin axırı nə olar? Belə olduğu halda, qaydaların , qanunların əməl edilmə statistikasının hansı vəziyyətdə olacağını düşünmək lazımdır”.

Sosioloq qeyd edib ki, toyları qadağaların müəyyən yumşaldılması ilə keçirmək mümkündür: "Amma bu, kasıb, zəngin, vəzifəli, vəzifəsiz – hamı üçün eyni standartda olmalıdır. "Mənim pulum var, istədiyimi edərəm” düşüncəsi bizdən uzaqlaşmalıdır. Ağır xərcli toyların müasir dövrün tələblərinə uyğun olaraq sadələşdirilməsi məsələsi əslində pandemiyanın bizə verdiyi ən böyük xeyir oldu. Ancaq insanlarımız bunu tətbiq edirmi? Məsələn, pandemiya dövründə bu cür sadə toylar edəcəyik, lakin həyat öz normal qaydasına qayıdandan sonra əvvəlki adətlərimizin yerinə qaytarılma ehtimalı daha çoxdur. İnsanlar pandemiyadakı əziyyətdən, toysuzluqdan bu yolla qisas alacaqlar. Məncə, toyların hər hansı standartlara uyğunlaşdırılması lazımdır və olduqca vacib mövzudur”.

Günay Rəsulqızı
 
Sehliyali
Turan Bank

OXŞAR XƏBƏRLƏR

Rəşad Atakişiyevə şəhid statusu verildi

Hərbi Hava Qüvvələrinin "MiQ-29” təyyarəsinin pilotu, polkovnik-leytenant Rəşad Atakişiyevə şəhid statusu verilib. Sfera.az-ın məlumatına görə, Səfərbərli...

2021-ci ildə yüksək vəzifəsini itirən məmurlar... - ADLAR

Ötən il olduğu kimi, 2021-ci ildə də kreslosunu itirən yüksək vəzifəli məmurlar var. Kimisi yaşına görə, kimisi korrupsiya, vəzifələrindən sui-istifadə əməlləri...

"Alça, gilas bol olacaq, qiymətlər isə baha..." – Ekspert səbəbləri AÇIQLADI

Bir neçə gündür ki, cəmiyyət arasında ölkə ərazisində hökm sürən qeyri-sabit hava şəraitinin məhsuldarlığa təsir etməsi ilə bağlı fikirlər dolaşır. Belə ki...

Gənclər və İdman Nazirliyindən yanlış "İntiqam Babayev" açıqlaması

Gənclər və İdman Nazirliyinin mətbuat xidməti tərəfindən mətbuata verilmiş açıqlama birmənalı qarşılanmır. Söhbət nazirliyin mətbuat xidmətinin rəhbəri ...

Bakının bu rayonlarında ciddi təhlükə var - Vaqif Əsədovdan küləklə bağlı XƏBƏRDARLIQ

"Hazırda Bakı şəhər dövlət yol polisi əməkdaşlarının xidmət etdiyi ərazi üzrə küləklə əlaqəli ciddi fəsadlar qeydə alınmayıb”.   Bunu Sfera.az-a açıqlama...

“Yaxşı ki, sosial şəbəkələr var...” – İranın yük maşınları Laçın dəhlizinə necə gəlib?

Xəbər verdiyimiz kimi, sosial şəbəkələrin İran seqmentində bu ölkənin Ermənistan vasitəsilə Qarabağa yardımların çatdırılmasını əks etdirən qalmaqallı görüntü...