Bu barədə "Wall Street Journal" məlumat yayıb. Qeyd edilir ki, bu şərti Türkiyə Prezidenti Rəcəb Tayyib Ərdoğan ukraynalı həmkarı Vladimir Zelenskiyə bildirib.

Məsələ ətrafında Sfera.az-a danışan Bakı Politoloqlar Klubunun sədri Zaur Məmmədov Ərdoğanın siyasətindən geri çəkilməyəcəyini bildirib:

"Türkiyə-Rusiya münasibətlərinə turizm siyasəti çox vacibdir. Türkiyəyə gələn turistlər içərisində rusiyalı turistlər ilk yerdədir. Bu da milyardlarla vəsait deməkdir ki, ötən ildən pandemiya ilə əlaqədar olaraq turizm sketoru zərər çəkən Türkiyəyə Rusiya turizm istiqamətində təzyiq edir. Gəzişən söz-söhbətlərə görə, Rusiya tərəfinin Türkiyə ilə sərhədləri bağlamasına səbəb Türkiyənin Ukraynaya verdiyi dəstək, silahsız uçuş aparatının satışıdır. Ərdoğan elə liderlərdəndir ki, heç vaxt öz prinsipial siyasətindən geri çəkilmir". 

"Ukrayna isə Türkiyənin geosiyasi maraqları üçün mühüm əhəmiyyət kəsb edir. Krım yarımadası məlum olduğu kimi vaxtı ilə Osmanlı tərkibində olub, elə bu onu deməyə əsas verir ki, Krım Türkiyə üçün hansı önəmi kəsb edir. Türkiyənin beynəlxalq arenada Ukraynanı dəstəkləməsi bundan sonra da davam edəcək. Rusiya və Türkiyə müxtəlif regionlarda olduğu kimi Cənubi Qafqazda, Liviyada, Suriyada və Ukraynada dil tapmağı bacaracaq. Hər iki ölkənin qarşılıqlı kompramisə gedəcəyi gözlənilir".