Sfera.az "İnterfaks”a istinadən xəbər verir ki, bunu "Rosoboroneksport”un rəhbəri Aleksandr Mixeyev deyib.

"Biz ənənəvi olaraq hesablamaları asanlaşdırmaq üçün bütün əməliyyatları dollarla aparırdıq. Bundan sonra "Rosoboroneksport” demək olar ki, ABŞ valyutası ilə hesablaşmalardan tam imtina edib. Məsələn, Rusiya Federasiyası ilə Hindistan arasında silah satışına görə ödənişlər rubl və rupi ilə aparılır”.

2020-ci ildə Rusiyanın silah satışı 2019-cu illə müqayisədə 6,5 faiz azalaraq 28,2 milyard dollardan 26,4 milyard dollara düşüb. Bu göstərici üçüncü ildir ki, azalır və son dövr ərzində Rusiya şirkətləri bütün bazar iştirakçıları arasında ən kəskin enişlərdən birini nümayiş etdirirlər.

"Almaz-Antey" konserninin satışları il ərzində 31 faiz, Birləşmiş Gəmiqayırma Korporasiyası (USC) - 11 faiz azalıb. Eyni zamanda Birləşmiş Təyyarə Korporasiyası (UAC) tədarükləri 16 faiz artırıb. Yerli silah satışının pik həddi 2017-ci ildə, Rusiya tədarükçülərinin dünya bazarının beş faizini təşkil etdiyi vaxt olub.