Rus ordusu niyə Qazaxıstanı belə tez tərk edir? - Çin faktoru, yoxsa...

Rus ordusu niyə Qazaxıstanı belə tez tərk edir? - Çin faktoru, yoxsa...
Kollektiv Təhlükəsizlik Müqaviləsi Təşkilatının (KTMT) Ermənistan, Tacikistan və Qırğızıstandan ibarət sülhməramlılarının bölmələri Qazaxıstanın Almatı şəhərini tərk edərək daimi dislokasiya yerlərinə doğru yola düşüb. Yanvarın 9-da Qazaxıstanda yerləşdirilməsi başa çatan hərbi kontingentin cəmi 4 gün sonra oranı tərk etməyə başlaması hamı üçün gözlənilməz oldu. Bu hərbi müdaxiləni işğal və müstəqil Qazaxıstanın süqutu kimi qiymətləndirənlər, Rusiya ordusunun bir daha Qazaxıstanı tərk etməyəcəyini bildirənlər az deyildi.
 
Maraqlıdır, rus ordusu niyə Qazaxıstanı belə tez tərk edir?

Bununla bağlı politoloq Teymur Qasımlı Sfera.az-a açıqlamasında deyib ki, KTMT hərbi kontigentinin Qazaxıstana daxil olması ümumiyyətlə, hazırkı prezidentin ən böyük səhvlərindən biri idi və siyasi karyerasına ləkə gətirdi:

"250 minlik ordusu ola-ola sülhməramlıların dəvət edilərək qazax xalqına qarşı anti-terror əməliyyatlarının aparılması səhv idi. Sülhməramlıların ölkə ərazisini qısa zaman ərzində tərk etmə səbəblərindən biri odur ki, Qazaxıstanın daxilində Tokayev sərt qınanılmışdı, məsələn, ölkənin Ağsaqqallar Şurası bununla bağlı prezidenti tənqid etmişdi. İkincisi, beynəlxalq ictimai qınaq, həmçinin sərt olmasa belə, ABŞ-ın müəyyən tənqidləri oldu. Üçüncü ən önəmli səbəb burada Çinin rolunun olmasıdır”.

Müsahibimiz xatırladıb ki, Çin ilk günlər Tokayevi dəstəklədi: 

"Lakin sözügedən ölkənin Xarici İşlər Nazirliyi, o cümlədən Çinin lideri səviyyəsində Tokayevlə danışıqlar oldu və sətiraltı xəbərdarlıqlar edildi ki, biz rus ordusunun əraziyə daxil olmasından narahatıq. Əsasən Çinin mövqeyi, həmçinin qeyd etdiyim kimi beynəlxalq ictimaiyyət, daxili tənqidlərdən sonra Tokayev  sülhməramlıların çıxacağını açıqladı. Avropanın, ABŞ-ın da iştirakı ilə də hər hansı telefon danışığı ola bilər. Lakin bu o demək deyil ki, rus ordusu oradan tam olaraq çıxacaq. Burada müəmmalı məsələlər hələ çoxdur”.

Qeyd edək ki, KTMT Kollektiv Təhlükəsizlik Şurasının 2022-ci il yanvarın 6-da qəbul edilmiş qərarına uyğun olaraq, vəziyyəti sabitləşdirmək və normallaşdırmaq üçün Təşkilatın Kollektiv Sülhməramlı Qüvvələri məhdud müddətə Qazaxıstana göndərilib. Qrupa Rusiya, Belarus, Ermənistan, Tacikistan və Qırğızıstan silahlı qüvvələrinin bölmələri daxil idi.

Günay Rəsulqızı
Sfera.az
Sehliyali
Turan Bank

OXŞAR XƏBƏRLƏR

Rəsmi Bakıdan Fransa xarici işlər nazirinin bəyanatına - Reaksiya

"Təəssüflə qeyd etmək istərdik ki, Fransanın Avropa və xarici işlər üzrə naziri Jan İv Lö Drian tərəfindən bu gün bu ölkənin Milli Assambleyasında diplomata yar...

Rövşən Rzayev “Şöhrət” ordeni ilə təltif edildi

Rövşən Şükür oğlu Rzayev "Şöhrət” ordeni ilə təltif edilib. Sfera.az xəbər verir ki, Prezident İlham Əliyev bununla bağlı sərəncam imzalayıb. O, Azə...

Bölgədə nə baş verir? - “Ukrayna Putinin Krım körpüsünü dağıdacaq, Rusiya isə..”

"Qərb bu dəfə Rusiyaya heç bir güzəştə getməyəcək”.   Sfera.az bildirir ki, bunu sabiq spiker Rəsul Quliyev Rusiya-Ukrayna münasibətlərini şərh edərkən d...

Azərbaycan-Ukrayna sənədləri imzalandı - YENİLƏNİB

Bu gün Azərbaycan Prezidenti İlham Əliyevin Ukraynaya rəsmi səfəri çərvisəndə iki ölkə arasında 6 hökumətlərarası sənəd imzalanıb. Sfera.az  xə...

Rus ordusu niyə Qazaxıstanı belə tez tərk edir? - Çin faktoru, yoxsa...

Kollektiv Təhlükəsizlik Müqaviləsi Təşkilatının (KTMT) Ermənistan, Tacikistan və Qırğızıstandan ibarət sülhməramlılarının bölmələri Qazaxıstanın Almatı şəhərini...

Prezident sərəncam imzaladı - Müddət Uzadıldı

Prezident İlham Əliyev Vergi Məcəlləsində dəyişiklik edilməsi haqqında Qanunu təsdiqləyib. Sfera.az xəbər verir ki, Məcəllənin 164.1.51-ci maddəsində "2 i...