No Image
No Image

“Regiondan nə Ermənistan, nə də biz köçəsiyik” – Düşmən ölkə ilə iqtisadi münasibətlər hansı halda qurula bilər?

“Regiondan nə Ermənistan, nə də biz köçəsiyik” – Düşmən ölkə ilə iqtisadi münasibətlər hansı halda qurula bilər?

Ötən gün Azərbaycan Prezidenti İlham Əliyev, Rusiya Prezidenti Vladimir Putin və Ermənistanın baş naziri Nikol Paşinyan arasında keçirilən üçtərəfli görüşdə regionda qonşuluq əlaqələrinin bərpası əsas müzakirə mövzusu olub.


Ölkə başçısı qonşuluq şəraitində necə yaşamaq, nəqliyyat arteriyalarının açılması məsələlərini həll etməyə necə çalışmaq və gələcəkdə regional sabitliyi və təhlükəsizliyi möhkəmlətmək haqqında düşünməyin vacibliyinə toxunub.


Maraqlıdır, Azərbaycanla Ermənistan arasında diplomatik və iqtisadi əlaqər hansı halda qurulua bilər? Ümumiyyətlə, bu, yaxın gələcəkdə mümkündürmü?


Mövzu ilə bağlı Sfera.az-a danışan deputat Asim Mollazadə Azərbaycan və Ermənistan əlaqələrinin qurulmasının çətin olduğunu bildirib:


"Ermənistan Azərbaycana qarşı ərazi iddialarına son qoyub, revanşizmi kənara çəksə, yəni, sülh istiqamətində zəruri addımları atsa əlaqələrin qurulmasından söz gedə bilir. Azərbaycanın bütün qonşuları ilə normal münasibətləri var və bu sadalananan şərtlərin ödəniləcəyi halda Ermənistanla da belə əlaqələr mümkündür. Amma görünən odur ki, Ermənistanın Azərbaycana qarşı müsbətyönlü addım atması çətindir.

 

Onlar yüz illər miflərlə yaşayıb, qonşularına qarşı ərazi iddiaları irəli sürüblər. Faşist ideologiyası və xaricdə olan erməni diasporunun təzyiqləri onları dəyişməyə qoymur. Erməni diasporu hətta bizim bölgədə yaşayan erməniləri də böyük məmnuniyyətlə qurban verib genosid göz yaşları axıda və bundan əleyhimizə istifadə edə bilərlər. Ermənilər uzun müddətdir ki, onları idarə edən faşist qüvvələrin qurbanlarıdır".


Real Partiyasının icra katibi Natiq Cəfərli bir müddət sonra Azərbaycan Ermənistan münasibətlərinin bərqərar olacağını və başqa alternativin olmadığını qeyd edib:

 

"Azərbaycan müharibəni qələbə ilə başa çatdırıb. Əvvəllər torpaqlarımız işğal altında olanda müxtəlif beynəlxalq konfranslarda həmişə Ermənistan sülhdən danışırdı. Çünki I Qarabağ savaşında qələbə qazanmışdılar deyə sülhün bərqərar olmasından danışıb kommunikasiyanın açılmasını tələb edirdilər, status kvonun uzun müddət qalmasının tərəfdarı idilər. İndi vəziyyət dəyişib, hərbi üstünlük Azərbaycan tərəfindədir”.

 

N.Cəfərli hesab edir ki, indi çox şey Ermənistanın özünü necə aparmasından asılı olacaq:

 

"Regiondan nə Ermənistan, nə də biz köçəsiyik. Bu baxımdan əlaqələri bərpa edib qonşuluq şəraitində yaşamalıyıq. Lakin bu da Ermənistandan aslı olacaq ki, onlar Azərbaycanın sərhəd toxunulmazlığını, ərazi bütövlüyünü tanısın. Azərbaycan ərazisində qalan erməni əsilli Azərbaycan vətəndaşlarının təhlüskəsizliyinə Azərbaycan tərəfinin zəmanət verməsi nəticəsində normal qonşuluq şəraitində yaşam olacaqsa iqtisadi əlaqələrin bərpası, kommunikasiyaların açılması regionda sülhün bərqərar olmasına gətirəcək. Amma Ermənistanın təcavüzkarlıq siyasəti davam edərsə dəyişən heç nə olmayacaq.

 

Ermənistanın əlaqələrin qurulması yolunda addım atması üçün zamana ehtiyac var. Çünki hələ yaralar təzədir, psixoloji gərginlik çoxdur. Amma onların başqa yolu da yoxdur. Bir müddətdən sonra əlaqələrin qurulması, normal müzakirə ortamının yaranması mümkün olacaq. İndi zaman qalib tərəf kimi bizim lehimizə işləyir".

 

Sfera.az

Əzizə Zeynal

 

 

 

 

 

 
Turan Bank
Turan Bank

OXŞAR XƏBƏRLƏR

Paşinyana son çarə kimi görünən növbədənkənar seçki: Kim üstün olacaq?

"Növbədənkənar seçki düşmən ölkədə siyasi sabitliyin daha ciddi şəkildə pozulması ilə nəticələnəcək”. Bunu Sfera.az-a açıqlamasında Ermənistanda erkən parla...

Vüqar Səfərli onları bir-bir yanına aparacaq – Siyahıda kimlər var?

"Vüqar Səfərli işi” davam etdikcə daha çox şəxsin istintaqa cəlb olunacağı qaçılmazdır. Aydındır ki, KİVDF-nin sabiq rəhbəri Vüqar Səfərli ittiham üzrə "yediyi”...

Lavrov erməniləri niyə məyus etdi? – “Qarabağın statusu müzakirə mövzusu deyil” açıqlamasına REAKSİYA

"Bu açıqlama ondan xəbər verir ki, Dağlıq Qarabağın status məsələsini ATƏT-in Minsk qrupu müzakirə etməlidir və edəcək”. Bunu Sfera.az-a açıqlamasında Rus...

Navalnının qayıdışı, Ukrayna ilə müttəfiqlik... – Co Bayden Rusiyaya hansı sürprizlər hazırlayıb?

"Rusiya üçün Baydenlə ortaq nöqtələr tapmaq son dərəcədə çətin olacaq. Ümumiyyətlə çətin ki, ortaq nöqtələr tapılsın".   Bunu Sfera.az-a açıqlaması...

Əli Həsənovdan 26 milyon manatı geri qaytarmaq tələb olunub

Prezident yanında Kütləvi İnformasiya Vasitələrinin İnkişafına Dövlət Dəstəyi Fondu (KİVDF) təsis olduğu gündən mediada yeni ziddiyətlərin əsası qoyuldu. Medi...

ANAMA ləğv edildi - SƏRƏNCAM

Prezident İlham Əliyev "Azərbaycan Respublikasının Hərbi Əməliyyatlar Nəticəsində İşğal Olunmuş və Bununla Əlaqədar Zərər Çəkmiş Ərazilərinin Bərpası və Yenidən...