Gənclərin sağlamlığını təhlükəyə atan enerji içkiləri - Yaş həddi artırılacaq?
14:41 / 26.12.2018
3243
Son
araşdırmalar göstərir ki, enerji içkiləri gənc istifadəçilərin yarısının böyrəyinə
mənfi təsir göstərir.
"Hazırda
uşaqlar üçün satışda, reklamda heç bir məhdudlaşdırma yoxdur” - tədqiqat
qrupuna daxil olan professor Devid Hammonds deyib.
Kanadanın
Ontario şəhərindəki Vaterloo universitetinin alimləri bu qənaətə gəliblər ki,
enerji içkilərinin yaş məhdudiyyətini 16-dan yuxarı qaldırmaq lazımdır. Bu cür içkilərdən istifadə edən 12-24
yaş arası yeniyetmə və gənclərin 55 %-i sağlamlıqlarından narahat olduqlarını
deyiblər, xüsusən də ürək döyünmələrindən və qıcolmalardan.
2025
gənc arasında aparılan sorğulara görə onlar tez-tez "Red Bull”, "Monster”, "Bizon" və "Hell" enerji içkilərini istehlak edirlər. Araşdırmalar göstərib ki, bu içkilər
kofeinli digər içkilərdən daha təhlükəlidir.
İstifadə
edənlərdən 24,7 faizi bildirib ki, onlarda ürək döyüntüləri artıb və 24,1
faizində isə yuxu sistemi pozulub. 18,3 faizində baş ağrıları, 5,1%-də ürək
bulanmaları, diareya, 3,6 %-ində isə sinə ağrıları olub.
Amma
məsələnin ən həyacan verici məqamı odur ki, onların böyük əksəriyyəti enerji
içkisini məsləhət görülən dozadan (gündə bir və ya iki qutu) az içənlərdir.
O,
bildirib ki, bu gün kofe enerji ikilərinin sağlamlığa təsirini ölçmək üçün risk
etalonu kimi göstərilir. Əldə olunan nəticələr onu göstərir ki, bu cür məhsullara
nəzarət güclənməlidir.
Həyacan
təbili çalanlar arasında Britaniyadan olan bir qrup da var. Şef aşbaz Ceymi
Oliverin rəhbərlik etdiyi qrup hökuməti enerji içkkilərinin uşaqlara
satılmasını qadağan etməyə çağırıb. Onun bu istəyinə ancaq bir supermarketlər şəbəkəsi
qoşulub.
Artıq
bu aydan "Waitrose” şəbəkəsi yüksək kofeinli enerji içkilərinin satışını 16
yaşdan aşağı şəxslərə qadağan edib. Gələn ilin martındn isə alıcılar belə içkiləri
alarkən yaşlarının 16-dan yuxarı olduğunu sənədlə sübut etməli olacaqlar.
Orxan
Sfera.az
