Mərkəzi Banka baş direktor təyin olundu
Gündəm
18:25 / 08.12.2017
1174
Azərbaycan Mərkəzi Bankına (AMB) daha bir baş direktor təyin edilib.
Sfera.az "Report"a istinadən xəbər verir ki, bu, Vüqar Ramin oğlu Əhmədovdur.
Bununla da, AMB-nin baş direktorlarının sayı 6-ya çatıb.
Xatırladaq ki, V.Əhmədov 1979-cu ildə Bakı şəhərində anadan olub, 1999-cu ildə Azərbaycan Dövlət Dillər İnstitutunu "Dilşünaslıq tərcüməçi-referent ingilis dili” ixtisası üzrə bakalavr dərəcəsi ilə, 2005-ci ildə Azərbaycan Beynəlxalq Universitetini "Beynəlxalq iqtisadi münasibətlər” ixtisası üzrə magistr dərəcəsini fərqlənmə diplomu ilə, 2006-cı ildə isə ABŞ-nın Vaşinqton Universitetini "Tətbiqi iqtisadiyyat” ixtisası üzrə magistr pilləsini bitirib, 2008-ci ildə həmin universitetdə İqtisadiyyat üzrə Fəlsəfə Elmləri Doktoru (Ph.D) alimlik dərəcəsini alıb.
Əmək fəaliyyətinə 1998-ci ildə Kənd Təsərrüfatı Nazirliyində aparıcı mütəxəssis-tərcüməçi vəzifəsində başlayıb. 1998-2004-cü illərdə nazirlikdə baş mütəxəssis-tərcüməçi, baş məsləhətçi vəzifəsində, dövlət qulluğunun kiçik müşaviri dərəcəsi ilə işləyib. 2009-cu ildə AMB-də Tədqiqatlar departamentinin İqtisadi tədqiqatlar və proqnozlaşdırma şöbəsinin rəisi vəzifəsində işə qəbul edilib. 2010-2013-cü illərdə illərdə qurumun Tədqiqatlar və İnkişaf Mərkəzinin Tədqiqatlar departamentinin direktor müavini, həmin departamentin direktoru vəzifələrində işləyib. 2013-2017-ci illərdə Mərkəzi Bankın Tədqiqatlar və İnkişaf Mərkəzinin direktoru vəzifəsində işləyib.
Ailəlidir, 2 övladı var.
