1a:T7a3,

İqtisadçı-ekspert Natiq Cəfərli icra başçılarının maaşları və mövcud idarəetmə sisteminin effektivliyi ilə bağlı diqqətçəkən paylaşım edib.

Sfera.az xəbər verir ki, N.Cəfərli icra başçılarının maaşları arasında bölgünü təqdim edərək, bu sistemin köhnəldiyini və yenilənməsinin vacibliyini vurğulayıb:

“İcra Başçılarının maaşları inzibati-ərazi vahidləri üzrə belədir:

Bakı şəhər icra başçısı – 7650 manat,
Gəncə, Sumqayıt şəhərlərinin icra başçıları – 5625 manat,
Əhalisi 100 mindən çox olan rayonlar – 4587,5 manat (Abşeron, Masallı, Şəmkir və s.),
Əhalisi 50-100 min arası olan rayonlar – 4225 manat (Ucar, Lerik, Beyləqan və s.),
Əhalisi 50 minə kimi olan rayonlar – 3837,5 manat (Xızı, Sədərək, Daşkəsən və s.).
Bu məbləğdən 14% gəlir vergisi, 3% DSMF, 2% tibbi sığorta, 0,5% işsizlik sığorta haqqı tutulur”.

N.Cəfərlinin sözlərinə görə, bu maaşlar 1 mart 2022-ci ildən sonra artıb və həmin tarixdən etibarən icra başçılarının əsas maaşına 1,5 misli əlavə verilir.

“Məsələn, 2022-ci ilə qədər Bakı şəhəri icra başçısının maaşı cəmi 3060 manat idi. Xızı rayonunun icra başçısı isə 2012–2022-ci illər ərzində bütün vergilər çıxıldıqdan sonra ayda təxminən 1700 manat alırmış. Son üç ildə isə bu məbləğ 3000 manat civarındadır. Sual olunur: bu şəxs illərlə bu gəlirlə necə dolanıb, yaşadığı ev və sürdüyü maşın bu maaşa uyğun gəlirmi?”, – deyə o bildirib.

Firuzə Əliyeva
Sfera.az

4:[["$","script",null,{"type":"application/ld+json","dangerouslySetInnerHTML":{"__htm

İcra başçıları nə qədər maaş alır? - MƏBLƏĞLƏR