Tapdıqları son dərəcə nadir, yuvarlaq yumurta ailəyə milyonlar qazandıracaq - FOTO
Britaniya sakini Coş Elkinqton və ailəsi toyuqları tərəfindən qoyulmuş mükəmməl yuvarlaq bir yumurta tapdıqda heyrətə gəliblər. Kişi bunun qeyri-adi forma olduğunu və qəhvəyi Brahma toyuqundan əmələ gəldiyini deyir.
Sfera.az bildirir ki, ailə indi yumurtanı hərraca çıxarmağı planlaşdırır.
Qeyd edək ki, belə yumurtanın əmələ gəlmə şansı milyardda birdir.
“Bu, tamamilə gözlənilməz oldu və biz bu kiçik, mükəmməl formalı yumurtaya gülərək saatlarla vaxt sərf etdik. Biz bir xoruz və üç toyuqla başladıq və indi 19 quşumuz və çoxlu yumurtamız var. Amma heç vaxt belə bir şey görməmişdik" - deyə Coş bildirib.
Tədqiqatlar göstərir ki, yuvarlaq bir yumurtanın əmələ gəlmə ehtimalı milyardda birdir. Bu, tapıntını quş yetişdirənlər və kolleksiyaçılar arasında əsl sensasiya edir.
Ailə nadir yumurta ilə nə edəcəyinə hələ qərar verməyib, lakin onu hərraca çıxarmağı düşünür. Oxşar hal artıq mart ayında da baş vermişdi: Devondakı (Böyük Britaniya) fermada tapılan daha bir yumru yumurta auksionda 420 funt sterlinqə (təqribi-950 Azn) satılıb.
"Mən bir neçə hərrac evi ilə əlaqə saxlamışam, lakin yekun qiymətdə hələ qərara gəlməmişəm" - deyə Elkinqton əlavə edib.
Britaniya Yumurta Sənayesi Şurasının hesablamalarına görə, ölkədə hər il təxminən 12 milyard yumurta istehsal olunur və onlardan yalnız biri belə unikal ola bilər.
Aysel
