Cənubi Koreya prezidentinin həbs müddəti uzadıldı

Koreya Respublikasının Prezidenti Yoon Seok-Yeolun həbs müddəti 10 saat 32 dəqiqə uzadılıb. 

Sfera.az xəbər verir ki, buna səbəb onun vəkillərinin məhkəmədə həbsin qanuniliyinə etiraz etmək cəhdinin uğursuzluğu olub. 

“Yanvarın 16-da yerli vaxtla təxminən saat 14:03-də idarə tərəfindən həbsin qanuniliyinin yoxlanılması ilə əlaqədar sənədlər məhkəməyə təqdim edilib. Təhvil verilmiş materiallar yanvarın 17-də saat 00:35-də geri qaytarılıb”, - Korrupsiyaya Qarşı Mübarizə üzrə İstintaq Departamentindən bildirilib. 

Həbsin qanuniliyi araşdırılarkən prezidentin 48 saatlıq həbs müddətinə fasilə verilib. 

Qeyd edək ki, prezident yanvarın 15-də yerli vaxtla saat 10:33-də həbs edilib. 

Firuzə Əliyeva