Azərbaycanda oxuyan əcnəbi tələbələrin sayı ARTIR - STATİSTİKA
2024-cü ilin əvvəlinə aid olan məlumata əsasən Azərbaycanın ali təhsil müəssisələrində 6 680 əcnəbi tələbə təhsil alır.
Sfera.az Dövlət Statistika Komitəsinə istinadən xəbər verir ki, son iki ildə əcnəbi tələbələrin sayı 915 nəfər, son bir ildə isə 457 nəfər artıb.
Azərbaycanın ali təhsil müəssisələrində oxuyan tələbələrin təxminən yarısı Türkiyə vətəndaşlarından ibarətdir. Türkiyədən 3 021 nəfər ölkəmizdə ali təhsil alır.
İran sıralamada ikincidir. İrandan 1 069 nəfər Azərbaycanın universitetlərində oxuyur.
Rusiyadan da təhsil alan əcnəbilərin sayı çoxdur. Bu qonşu ölkənin 609 vətəndaşı Azərbaycanda oxuyur.
Sıralamada dördüncü sırada isə Gürcüstan dayanır. Gürcüstandan 496 nəfər ölkəmizdə təhsil alır.
Adıçəkilən dörd ölkədən ümumilikdə 5 195 nəfər Azərbaycanda ali təhsil alır.
Vasif
