"Xarab olan butulkalar, qida qablaşdırmaları..." - Xörək duzu haqqında bilmədiklərimiz

Süfrə duzunun tərkibində xərçəng yaradan mikroplastiklərin olduğu ortaya çıxıb.

Sfera.az xəbər verir ki, İndoneziyanın Andalas Universitetinin tədqiqatçıları 21 növ xörək duzunu araşdırıb.

Tədqiqatçılar xörək duzunun tərkibində kiçik plastik parçaların, liflər və hətta plyonkaların olduğunu aşkar ediblər. Bu o deməkdir ki, insanlar yalnız duzdan istifadə etməklə ildə mindən çox mikroplastik istehlak edirlər.

Araşdırma nəticəsində məlum olub ki, Avropa ölkələrində istehsal olunan duzun hər kiloqramında 280-ə qədər mikroplastik hissəcik var. Mikroplastiklər uzunluğu beş millimetrdən az olan kiçik plastik parçalardır.

Onların əksəriyyəti yavaş-yavaş xarab olan butulkalar və qida qablaşdırmaları kimi birdəfəlik plastiklərdən gəlir.

Xatırladaq ki, mütəxəssislər gün ərzində 7 qram duzun istehlak edilməsini tövsiyə edirlər.

Ülkər Abdurahmanlı