Rusiyada 600-dən çox təyyarə istehsal ediləcək  - Mişustin AÇIQLADI

“Yaxın altı il ərzində ümumilikdə 600-dən çox yerli istehsal təyyarəsi hazırlanmalıdır”.

Sfera.az xəbər verir ki, bunu Rusiya Federasiyasının Baş naziri Mixail Mişustin müavinləri ilə görüşündə deyib.

O, qeyd edib ki, Rusiya hökuməti təyyarələrin, mühərriklərin və cihazların istehsalının genişləndirilməsi proqramına yaşıl işıq yandırıb. Onun maliyyələşdirilməsi üçün isə Milli Sərvət Fondunun vəsaitlərindən istifadə etməyə icazə verib.

“Superjetlər, “MC-21”lər, “İl-114”lər və orta mənzilli uçuşlar üçün yüksək etibarlı “Tu-214”lər, həmçinin “İl-96-300” kimi geniş gövdəli təyyarələr Rusiya aviaşirkətlərinin donanmasının əsasını təşkil edəcək”, - Baş nazir əlavə edib.

Firuzə Əliyeva