Əfsanəvi rok qrupu “Nirvana”nın solisti Kurt Kobeynin gitarası hərracda satılıb.

Sfera.az bildirir ki, söhbət müğənninin səhnədə qırdığı musiqi alətindən gedir. “Julien's Auctions” hərrac evindən verilən açıqlamaya görə, qara rəngli “Fender Stratocaster” gitarasının yenidən yığılmasına baxmayaraq, istifadəyə yararsızdır. Nəticə olaraq, sözügedən musiqi aləti 595 min dollara (təxminən 1 milyon AZN) satılıb.

Qeyd edək ki, həyat yoldaşı Kortni Lav ilə çətin münasibətdə olan Kobeyn illərlə narkotik asılılığı və depressiya ilə mübarizə aparıb. Buna baxmayaraq, o,  1994-cü ilin aprelində intahar edərək həyatına son qoyub.

Türkan