Dörd illik fasilədən sonra Tbilisi-Moskva arasında ilk birbaşa təyyarə reysi həyata keçirilib. 

Sfera.az xəbər verir ki, bu gün “Georgian Airways” aviaşirkətinin təyyarəsi “Vnukovo”da eniş edib. 

“RİA Novosti”nin əldə etdiyi məlumata görə şirkət Rusiyanın Federal Hava Nəqliyyatı Agentliyindən uçuşlar üçün icazəni mayın 19-da alıb. 

Xatırladaq ki, mayın 10-da Prezident Vladimir Putin Rusiya aviaşirkətləri üçün Gürcüstana uçuşlara qoyulan qadağanı aradan qaldırmışdı, həmçinin mayın 15-dən Gürcüstan vətəndaşları üçün viza rejimini ləğv etmişdi. 

Vasif