Ukrayna sülh danışıqlarının ŞƏRTİNİ AÇIQLADI

Ukraynanın xarici işlər naziri Dmitri Kuleba Kiyev üçün məqbul olan sülh müqaviləsinin şərtlərini açıqlayıb.

Sfera.az bildirir ki, o, bu barədə “CNN”ə müsahibəsində danışıb. “Biz münaqişənin dondurulmasına və ya Ukrayna ərazilərinin Rusiyaya təslim edilməsinə səbəb olmayan istənilən sülh planını müzakirə etməyə hazırıq”, - Kuleba deyib.

O əlavə edib ki, Braziliyanın prezidenti Luiz İnasiu Lula da Silva öz ölkəsində “bu iki prinsip əsasında” sülhə can atan ölkələrin təmaslarını təşkil edərsə, Kiyev müzakirəyə hazır olacaq.

Xatırladaq ki, aprelin 15-də Braziliya prezidenti ABŞ hakimiyyətinə müraciət edərək onları Ukraynadakı münaqişəni gərginləşdirməməyə  və sülh yolu ilə həllini axtarmağa çağırıb. Həmçinin aprelin 24-də Kuleba Moskva və Kiyev arasında erkən danışıqların mümkünlüyünü qəti şəkildə rədd edib.

Günay Rəsulqızı