Azərbaycanın bahalı həkimləri - Özəl klinikalarda həkim qəbulu neçəyədir?
Azərbaycanda fəaliyyət göstərən bəzi özəl xəstəxanalar son vaxtlar həkimlərin konsultasiya qiymətlərini artırıb.
Sfera.az-ın məlumatına görə, ötən il 50-60 manata xəstə qəbul edən həkimlər bu il qiyməti 80-100 manata, 80 manata olanlar isə 120 və daha yuxarı qiymətə qaldırıblar. Məşhur həkimlərin qəbul qiymətləri isə daha yuxarıdır. Bəzi həkimlərin qəbulları 200 manatdır.
Bəs bu qiymətlər hansı meyarlar əsasında formalaşır?
Ürək-damar cərrahı Cabir Gülmalıyev deyir ki, qiymət ixtisasa və həkimin akademik ünvanına görə dəyişir. Yəni burada keyfiyyət xüsusi rol oynayır. O ki qaldı müayinə və konsultasiya proseduruna, burada dəyişən nəsə yoxdur.
Standart prosedura uyğun olaraq, əlavə instrumental müayinə və analizlər isə bu məbləğə daxil deyil.
Səhiyyə Nazirliyinin mütəxəssis-eksperti, həkim qastroentoloq Emin Məmmədov da həkim qəbulunda prosedurun bənzər olduğunu deyir.
Mütəxəssislər deyirlər ki, özəl klinikalar kommersiya fəaliyyəti göstərən tibb müəssisələri olduğundan və avadanlıqlar, istifadə edilən məhsulların xaricdən gətirilməsi xəstə qəbulu qiymətlərinə də təsir edir.
Xezerxeber.az mövzu ilə bağlı daha ətraflı videomaterialı təqdim edir:
