Ev tikmək istəyənlərin nəzərinə: Bu bazarlarda qiymətlər...

Ev tikmək istəyənlərin nəzərinə: Bu bazarlarda qiymətlər...
Azərbaycanın tikinti materialları bazarında 2021-ci ilin may ayından müşahidə olunan yüksək qiymət artımları hələ də davam edir. Ötən ilin aprelində illik müqayisədə tikinti materiallarının qiymət indeksi 3,4 faiz artdığı halda, mayda bahalaşma sürəti 6,8 faizə, sentyabrda 10,9 faizə, dekabrda 13,5 faizə yüksəlib.

Sfera.az xəbər verir ki, 2022-ci ildə bahalaşma sürəti bir qədər də güclənib və martın sonunda tikinti materiallarının qiymətində ümumi artım 15,2 faizə çatıb.

Ayrı-ayrı tikinti materialları üzrə qiymətlərdəki dəyişikliyin təhlili göstərir ki, bazarda bahalaşmanın əsas mənbəyi ağacdan hazırlanan məhsulların, plastik məmulatların, kimya sənayesi məhsullarının və metallardan düzəldilən tikinti materiallarının qiymətindəki kəskin artımdır.

Tikinti materialları bazarında yüksək bahalaşmanın səbəblərinə aydınlıq gətirən Azərbaycan Rieltorlar Assosiasiyasının icraçı direktoru Elnur Azadov bildirdi ki, böyük qiymət artımları xarici və daxili amillərin təsiri ilə baş verir.

O qeyd etdi ki, son bir ildə qlobal miqyasda tikinti materialları təxminən 10-15 faiz bahalaşıb və xarici qiymət dəyişiklikləri Azərbaycanda daxili bazar qiymətlərinə də təsir göstərib. Ekspert, xüsusən Ukraynadan idxalın çətinləşməsinin tikinti materiallarının qiymətinə mənfi təsir etdiyini dedi.

E.Azadov qiymətlərə təsir edən daxili amillərin də güclü olduğunu söylədi. Onun sözlərinə görə, qiymətlərin artımına təsir edən əsas daxili amillərdən biri şəffaflıqdır:
 
"Son 2 il ərzində vergi qanunvericiliyində aparılan dəyişikliyə görə, tikinti şirkətləri bütün xərclərini, dövriyyəni dəqiq göstərməlidir. İnşaat şirkətləri əvvəllər "qara bazar”dan DİK-i, taxta-şalban materiallarını, armaturu, kərpici nağd şəkildə alırdılar və ya barterlə hesablaşma olurdu. İndi, tikinti şirkətləri "qara bazar”dan material ala bilmir, yaxud aldıqda rəsmi ödəniş həyata keçirirlər. Ödənişlər rəsmi olduğundan satış həyata keçirən tərəfin əlavə xərcləri yaranır və onlar həmin xərcləri ödəmək üçün tikinti materiallarının qiymətini artırırlar”.
 
Həmsöhbətimiz dedi ki, qiymət artımına səbəb olan ikinci mühüm daxili amil işğaldan azad edilən Qarabağ regionunda tikinti-bərpa işlərinin həyata keçirilməsidir: "İşğaldan azad edilən ərazilərdə tikinti-bərpa işləri genişlənir. Hələlik, görülən tikinti işlərinin daha çox hissəsini avtomobil yollarının, körpülərin, kommunikasiya vasitələrinin tikintisi təşkil edir. Buna görə də Qarabağın işğaldan azad edilən ərazilərdə armatur, sement, beton, çınqıl və s. kimi tikinti materiallarına tələb artıb”.

E.Azadov bildirdi ki, tikinti materiallarının qiyməti yaxın aylarda düşməyəcək. Onun qənaətincə, ilin ikinci yarısından və növbəti ildən Qarabağda yaşayış evlərinin tikintisi genişlənəcək. Ekspert bu mərhələdə daxili təmir üçün istifadə edilən tikinti materiallarına tələbin artacağını və bu amilin qiymətlərdə bir qədər də artıma səbəb olacağını düşünür.  
 
Vasif
Sfera.az

 
Sehliyali
Turan Bank

OXŞAR XƏBƏRLƏR1

Şəhid Xudayarın adından saxta "Tik-Tok" açıb görün nə etdilər... - ANASI POLİSƏ MÜRACİƏT EDƏCƏK - FOTO

"Oğlumun adından "Tik-Tok" səhifələri açırlar, izləyici yığdıqdan sonra həmin səhifələrin adını dəyişib satırlar. Bu hal mənə çox pis təsir edir....

Anastasiya Voloçkova azərbaycanlı sevgilisindən danışdı - Rus dilini bilmir

Məşhur rus balerina Anastasiya Voloçkova bir müddətdir gündəmdən düşməyən azərbaycanlı sevgilisi haqda açıqlama verib.  Sfera.az axşam.az-a istinad...

Rusiyadan Qarabağdakı ermənilərə ŞOK TƏKLİF - Moskvadan növbəti HİYLƏ

"Hazırda Ermənistan-Azərbaycan sərhəddində vəziyyətin getdikcə gərginləşməsi birbaşa Ermənistanın daxili siyasi vəziyyəti ilə, üstəlikdə ki, Paşinyanın par...

Günün qoroskopu: Bunun üçün əlverişli zaman deyil!

Dünyanın nüfuzlu və məşhur ulduz falları portalları "Horoscope" və "Astrology"yə istinadən bu günün qoroskopunu təqdim edirik.   ...

Laçına gedən yol Xankəndidə yaşayan ermənilərin gözü ilə... – VİDEO

Rusiya sülhməramlılarının müvəqqəti məsuliyyət zonasında, Xankəndidə yaşayan David Simonyan “Kafkazskiy Uzel” saytında Azərbaycanın Laçın dəhlizinə ...

Rusiyanın əməliyyatı başa çatdı - Şoyqu Putinə məruzə etdi

“Azovstal” poladəritmə zavodunun ərazisi tam təmizlənib.   Bu barədə Rusiyanın Müdafiə Nazirliyi məlumat yayıb.   Qeyd olunur ...