Azərbaycanda müğənninin evi qarət olundu: 11 min manatını apardılar

Sfera.az xəbər verir ki, bu barədə Lent.az-a ifaçı özü məlumat verib.

Bildirib ki, yaşadığı evdən 11 min manat pul oğurlanıb.

Müqənni iddia edir ki, oğurluğu mənzilində xadimə işləyən Günel Məmmədova törədib:  

"Mənim iki avtomobilim var idi, birini satdım. Satdığım maşının pulunu digər avtomobilimə qoymuşdum. Həmin məbləği evə aparan zaman mətbəxdə olan xadimə əlimdə pulu gördü. Pulu kassaya yerləşdirdim, açarı da şkafın üstünə qoydum. Evin tozlarını təmizləyən zaman açarı oradan götürüb. Kamera otağından elektriki ayırıb, kameranın yaddaş kartını götürüb sındırıb, kameranın beynini format edəndən sonra yenidən yerinə qoyub. Əzəl gündən də deyirdi ki, mənə əlcək alın. Mən də aldım. Əlcək aldırmaqda məqsədi o idi ki, əl izi heç yerdə qalmasın”.