Ömürlük diplomatik pasport verilməsi təklifinə sabiq deputatlardan REAKSİYA

 

"Məncə, millət vəkilliyi vaxtı qurtaran, amma Azərbaycanda hələ də fəaliyyət göstərən insanların diplomatik pasportunun əlindən alınmaması üçün qanunlara dəyişiklik edə bilərik. Bu barədə düşünmək olar. Hətta bundan əvvəl deputat olan, amma indi seçilməyən deputatların da diplomatik pasportları qaytarılsın”, deyib.

Məsələ ilə bağlı Sfera.az-a açıqlama verən keçmiş millət vəkili Ümid Partiyasının sədri İqbal Ağazadə, ömürlük diplomatik pasportun verilməsi təklifini müsbət addım kimi qiymətləndirib:

 

"Dünya təcrübəsində ömürlük diplomatik pasportun verilməsi halları var. Bir halda ki, diplomatik işlərdə işləyən insanlara belə bir pasport verilir nə üçün xalqın seçdiyi deputatlara da verilməsin? O ki qaldı ömürlük diplomatik pasportun keçmiş deputatlara da verilməsinə deyə bilərəm ki, bunda da qeyri-adi heç nə yoxdur. Çünki keçmiş deputatlar da müəyyən məsuliyyət daşıyır. Digər tərəfdən, onların sayı da çox deyil”.

 

Keçmiş deputat Azərbaycan Sosial Demokrat Partiyasının sədri Araz Əlizadə isə deyib ki, ömürlük diplomatik pasportun verilib-verilməməsinin elə də bir fərqi yoxdur:

"Bilirsiniz, deputatı xalq seçir. Xalqın seçdiyi deputata ömürlük diplomatik pasportun verilməsində heç bir qüsur yoxdur. Lakin verilməsə də, olar”.

 

Keçmiş deputat Cümşüd Nuriyev qeyd edib ki, dünyanın hər yerində parlamentin üzvlərinə ömürlük diplomatik pasport verirlər:

 

"Ümumiyyətlə, dünyanın heç bir yerində parlament üzvlərini diskriminasiyaya uğratmırlar. Hətta keçmiş SSRİ ölkələri olan Rumıniya, Bolqarıstan, Baltikyanı ölkələrdə nəinki keçmiş parlament üzvlərinə, hətta SSRİ parlamentində təmsil olunan deputatlara da ömürlük diplomatik pasport verilir. Məsələ ondadır ki, deputat faktiki olaraq dövlət sirrini daşıyan şəxsdir. Bu şəxs üzərindən diplomatik toxunulmazlığın qaldırılması həmin sirrin təhlükə altında olması deməkdir. Bu mənada təklifi müsbət hesab edirəm. Zəruri və lazımi bir təklifdir”.