“Rusiya Qarabağda yaratdığı qondarma "rus icması"na pasport paylayacaq” – Təhlükəli ssenari ilə bağlı açıqlama
13:36 / 20.12.2021
1666
"Rusiya
hərbi karvanı Laçın dəhlizindən
keçməklə, Qarabağda etnik ermənilərə növbəti dəfə "humanitar" yardım
gətirib. O, bu yardımları Ukraynanın Donbas bölgəsinə də edir. Nədənsə, həmin
yardımların ərzaq deyil, silah və sursatlardan ibarət olduğu sonradan məlum
olur”.
Sfera.az bildirir ki, bunu politoloq Məhəmməd
Əsədullazadə deyib.
Politoloqun sözlərinə görə, nə qədər ki, Laçın
dəhlizində nəzarətimiz yoxdur, Rusiya silahlı erməni birləşmələrinin əli ilə Azərbaycan
üçün başağrı yaradacaq:
"Artıq Rusiya Xocalıda xeyli zirehli texnika
yerləşdirib. Prezident İlham Əliyevin Brüsseldə "Laçın dəhlizində post
qoyulmalıdır” mesajı təkcə Zəngəzur dəhlizi ilə bağlı
deyildi. Bu həm də Rusiyanın Qarabağda erməni
separtçılarının silahlandırılmasının qarşısını almaqdır. Digər tərəfdən Rusiya bir müddətdən sonra
Qarabağda yaratdığı qondarma "rus icmasına" pasport paylayacaq və bu
da Azərbaycan üçün ciddi problemə çevrilə bilər”.
"Təbii ki, Rusiyanın buna reaksiyası mənfi olacaq. Amma bu ölkə hazırkı silahlı erməni birləşmələrindən Azərbaycan və Ermənistan əlaqələrinin normallaşmaması və geosiyasi maraqlarına uyğun davam etməsi üçün istifadə edəcək. Ona görə də Azərbaycan Rusiyanın reaksiyalarına rəğmən, Laçın dəhlizində postun qoyulması istiqamətində addım atmalı ya da silahlı erməni birləşmələrinin çıxarılması ilə əlaqəli Moskva qarşısında tələb qoymalıdır”.
Günay Rəsulqızı
