Bəhruz Məhərrəmov seçicilərinin problemlərini aidiyyatı qurumlar qarşısında qaldırdı

"Seçici qəbulu zamanı bizə vətəndaşlardan daxil olan müraciətlərdə sosial problemlər xüsusi çəkiyə malik olur. Bu gün 229 secicinin bu qəbildən olan problemləri üzrə aidiyyatı strukturlara müraciət etdik”.

Sfera.az xəbər verir ki, bu sözləri Milli Məclisin deputatı Bəhruz Məhərrəmov deyib.

Onun sözlərinə görə, müraciətdə qaldırılan məsələlərin 144-ü məşğulluq, 30-u özünüməşğulluq proqramı, 31-i əlilliyin qiymətləndirilməsi, 24-ü isə ehtiyacı olan şəxslərin müalicəsinin həyata keçirilməsinə kömək edilməsi ilə bağlıdır.

Millət vəkili müvafiq strukturların qaldırdığı problemlərə həssas yanaşacağına inandığını ifadə edib.