"Rayonlara gediş-gəlişə icazə verilməlidir" - MİLLƏT VƏKİLİ

 Millət vəkili Bəhruz Məhərrəmov koronavirusla bağlı redaktor.az-a maraqlı müsahibə verib. O, bir çox məqamlara aydınlıq gətirib.

- Bəhruz bəy, koronavirusla mübarizədə atılan addımları necə qiymətləndirirsiniz?

- Koronavirus  bəşəriyyəti qəfil və hazırlıqsız yaxaladı. Nəzərə alaq ki, bu vəziyyət dünyanın təcrübəsində, ümumiyyətlə, ötən illərdə görünməyən bir haldır. Bütün bunlara baxmayaraq, dövlət həm qanunvericilik baxımdan, həm də tibbi proflaktik baxımdan çevik addımlar atmağa çalışır. Eyni zamanda sosial təminatla bağlı müvafiq paketlər də alqışlanandır.

Əlbəttə, burada müəyyən boşluqlar var idi və həmin boşluqlarla bağlı öz fikrimi parlamentdə də bildirdim.

Bu boşluqlardan biri torpaq sahələri olan vətəndaşların yardımdan kənarda qalması, bəzi texniki prosedurların doğru tənzimlənməməsinə görə müəyyən vətəndaşların yardım ala bilməməsi və s. Ümumiyyətlə, yanaşmalarda bəzi boşluqlar var idi.

Amma dövlətimizin bu cür problemlə ilk dəfə üzləşdiyini nəzərə almalıyıq. Bu baxımdan, ümumilikdə dövlətin mübarizə tədbirlərini yüksək qiymətləndirirəm. Bu gün sağalanların artması, yoluxanların azlaması bunun bariz nümunəsidir.
 
 
- Virusa yoluxmanın qarşısını almaq üçün daha sərt addımların atılmasına ehtiyac varmı?

- Azərbaycan karantin rejiminin yumşaldılamsını və yaxud sərtləşdirilməsini yanlız mövcud abu-havanı, eyni zamanda, bu sahədə bizdən öndə olan dövlətlərin təcrübəsinə əsaslanaraq atır. Son statistika onu göstərir ki, hazırda tətbiq olunan karantin rejimi öz bəhrəsini verir.

Biz bir şeyi qəbul etməliyik ki, sərtləşdirilmiş karantin rejimi dövlət üçün tamamilə maraqsız və əlavə yükdür. Həmçinin, bu, maliyyə sisteminə, iqtisadi sistemə çox öldürücü təsir göstərir. Əlbəttə, Azərbaycanın maliyyə imkanları genişdir və hazırki vəziyyəti bir müddət əldə saxlaya bilər. Lakin vətəndaşlar da, adiyyatı şəxslər də bu məsələdə öz məsuliyyətini dərk etməlidir. Çünki biz karantin rejimini sonsuza qədər sürdürə bilmərik. Bu baxımdan hesab edirəm ki, müvafiq tətbirlərə, hazırki tətbiq olunan rejimə maksimum dərəcədə riayət etməliyik. 

- Bir çox ölkələr artıq yavaş-yavaş karantin rejimindən çıxırlar. Azərbaycanda isə əksinə olaraq qaydalar sərtləşdirilir. Bunun səbəbi nədir?

- Bəli, bəzi dövlətlər artıq karantin rejimini tədricən yumşaltmaqdadır. Lakin bizdə hələ də vəziyyət bir az ciddidir. Əslində mən vətəndaşların nədəsə günahlandırılmasının tərəfdarı deyiləm, amma ortada problem varsa, bu problemdə məsuliyyətin 50 faizi adiyyatı qurumların üzərinə düşürsə, 50 faizi də vətəndaşın üzərinə düşür. Yəni etiraf edək ki, hər iki tərəfdə müəyyən boşluqlar oldu. Bunun nəticəsi olaraq da, hazırda yoluxma sayı artdı.

- Operativ Qərargahın verdiyi qərarlar nə dərəcədə effektlidir?

- Operativ Qərargahın bu günə kimi olan fəaliyyətini uğurlu hesab edirəm. Amma fəaliyyətlərindəki bəzi nüansları qəbul etmək çətindir. Misal üçün, rayonlara gedişə məhdudiyyətlərin olmasını düzgün hesab etmirəm. Hesab edirəm ki, kimin rayonda əmlakı və ya hər hansı bir yaşayacaq yeri varsa, həmin adamların rayona getməsinə icazə verilməlidir. Təbii ki, rayonlara icazə testindən keçib və təyin edilən qaydalara riayət olunması əsasında verilməlidir".

- Sizcə, hazırda tətbiq edilən xüsusi karantin rejimi nəticə vercəkmi?

- Son tətbiq edilən xüsusi karantin rejimi sayəsində uğurlu nəticələr əldə olunur. Bu gün vətəndaşdan ən sadə şeylər tələb olunur – özünü qoru, maska tax, gigiyena qaydalarına, sosial məsafəyə əməl et. Dövlət 2 metr məsafə gözlə deyirsə, vətəndaş 3 metr məsafə saxlamalıdır. Düşünürəm ki, bütün bunlara əməl olunsa, tətbiq olunan karantin rejimi də öz effektini verəcək və vətəndaşlar həm özünü, həm ailəsini, həm də dövləti bu bəladan xilas etmiş olacaq.

OXŞAR XƏBƏRLƏR

Azərbaycanlı həkimdən koronavirusla bağlı proqnoz: "İkinci dalğa..."

Sfera.az teleqraf.com-a istinadən Milli Məclisin deputatı, tibb elmləri doktoru, ürək-damar cərrahı Rəşad Mahmudovun müsahibəsini təqdim edir: - Rəşad müə...

Deputat: “Təlimlər bölgədə yeni təhlükəsizlik sisteminin yaranmasına xidmət edir” - MÜSAHİBƏ

  İyulun 29-dan başlayan Azərbaycan-Türkiyə birgə genişmiqyaslı döyüş atışlı taktiki təlimləri davam edir. Plana uyğun olaraq, bu gün genişmiqyaslı döyüş...

"Növbəti aylarda maaş və pensiyalar yenidən artırıla bilər"- Deputatla MÜSAHİBƏ

  Deputat Bəhruz Məhərrəmov Sonxeber.az-ın suallarını cavablandırıb. -Bəhruz bəy, bu gün Azərbaycan ermənilərlə yanaşı həm də "COVİD19" kimi gözə gö...

“Polad Alemdar”ın qardaşı ilk dəfə danışdı: “Onları heç vaxt bağışlamayacağam”

  Mətbuata heç vaxt müsahibə verməyən, lakin ssenarisini yazdığı "Deli Yürek", "Kurtlar Vadisi" "Eşkiye dünyaya hükümdar olmaz" kimi serialları ilə könüll...

Fəxrəddin Manafov: "İmkanım olsaydı, qadınları taxtda əyləşdirərdim" - MÜSAHİBƏ

 Bu gün Xalq artisti Fəxrəddin Manafovun 65 yaşı tamam olur.   Kulis.az yubiley münasibəti ilə aktyoru təbrik edir, onunla müsahibənin davamını təqd...

Ali Baş Komandanın bayrağı etibar edilən hərbi pilotun qardaşı ilə müsahibə - FOTOLAR + VİDEO

  Ötən il iyulun 24-də təlim uçuşları zamanı qəzaya uğramış MİQ-29 təyyarəsinin pilotu polkovnik-leytenant Rəşad Atakişiyevin həlak olmasından bir il keçi...